بسطيلة بالدجاج

بسطيلة بالدجاج
البسطيلة بالدجاج بالخطوات المصورة و بتقديم جديد

مقادير البسطيلة بالدجاج بالخطوات المصورة و بتقديم جديد

1/2 كلج ورقة البسطيلة مدهونة بالزبدة
دجاجة بوزن 1و1/2 كلج
4بصلات متوسطين مشلدين
نصف زلافة قزبور ومعدونس هدا الاخير يكون اكثر
2فصوص ثوم محكوكين
2عواد قرفة
كاس زيت مخلط رومي وبلدي الرومي اكثر
م ص سمن
ماء
6 بيضات
للدهن
بياض بيضة والاصفر نزيدوه مع الخليط
العطرية
ملح +ابزار+قرفة مطحونة+سكين اجبيبر +بسيبيسةمطحونة نصف م ص+ خرقوم عادي وبلدي +زعفران حر

مقادير اللوز

1/2 كلج لوز مفسخ ومقلي في الزيت ومهرمش رقيق
م ك قرفة
م ك زبدة
قليل ماء الزهر
كاس سكر كلاصي

طريقة تحضير البسطيلة بالدجاج بالخطوات المصورة و بتقديم جديد

في قدر نضع البصلة والربيع والثوم والقرفة عواد والعطرية وكاس ص ماء

نشرملو فيه الدجاجة ونخليوها تشحر مزيان ونمرقو ونخليوها طيب

ونزولوها ونفتوها وعملو ليها قليل سكر ونخليوها جانبا

والمرق نعملوه في مقلات ونشحروه ونزيدو عليه القرفة مطحونة والسكر

ونضيفو البيض وحدة بوحدة وحنا تنحركو مزيان

ونخليوه يبرد

طريقة اللوز

اللوز مقلي و مطحون

ثم نضيف عليه باقي المكونات

المونطاج

تنحتاجو 2 قواب ايطار على شكل وردة واحد اكبر من الاخر

ناخدو الايطار الكبير وندهنو جوانب ديالو بالزبدة ونطلقو فيه الورقة مع مراعاة تتبيها في الجوانب لاخد شكل الايطار

ونعملو الطبقة الاولى لوز لاننا غادي نقلبوه لي لفوق غادي يرجع لتحت لانها متتلمطش باش تبقى قابطة الفورمة ديالها

ثم الدجاج

ويمكن لينا نفرقو ما بين الطبقات بورقة محمرة في الفرن باش متباقش خضرا من الداخل

ثم نعملو الدغميرة دالبصلة والبيض

ونجمعو الورقة للداخل مع الدهن بابيض البيض ونقطعو ورقة على قدر الوجه ونخطيو بها الكل ولكن متخرجشي لي الجناب تبقة في الوسط

ونقلبو البسطيلة في لاطة لي ندخلوها للفرن

وندهنو الوجه ديالها بابيض البيض ونزلو الايطار الصغير في النصف
ناخدو الورقة ونقطحوها لدوائر صغيرة قد دائرة الماصابان ونعملوها على شكل وردة او على شكل صاروخ ورقي لي كنا تنعملوهم في الصغر ديانا هههههه
وندهنوهم بابيض البيض ونتبتوهم في جوانب القالب
والفي السط نعملو بقايا الرقة مقطعى رقيقة جدا بالمقص نتمنى نكون عرفت نوصل الفكرة

وندخلوها للفرن طيب
ومنين تخرج ندهنو الجوانب لي خاويين بالعسل

ونزينوهم برقائق اللوز

والوسط رشوه بالسكر كلاصي وتقدم بالصحة

للامانة منقولة عجبتني حبية نشارك بيها معاكوم
تتمنى تعجبكم