تحضير كيكة الكوكوط كتجي رطبة و لذيذة

 تحضير كيكة الكوكوط كتجي رطبة و لذيذة
المقادير:

• 4 البيضات.
• كاس سنيدة .
• كاس زيت .
• نص كاس ماء بارد نخلطوه مع معلقة قهوة سريعة دوبان .
• قبصة ملح .
• 2 خمارات .
• 2 ساشي كاكاو.
• فاني اختياري. بين 9 و 10 معالق دقيق نوع ممتاز.

طريقة التحضير: 

1- نخلطو لخميرة ودقيق و الكاكاو والملح مع بعض ونغربلوهم ونخليوهم على جنب
2- نخلطو سنيدة مع البيض مزيان حتى ينساجمو ونبداو نزيدو زيت بشوية عاد الماء مخلط بالقهوة . نخلطو مزيان و نزيدو المواد الجافة
3- ندهنو الكوكوط بالزبدة مزيان ونضيفو الخليط ديالنا ونسدو الكوكوط بلا منديرو صفارة
نحطوها فوق نار مهيلة بحال شمعة ونخليوها طيب تقريبا بين 35 و 40 دقيقة حتى يبداو واحد نقيطات الماء يخرجو من صفارة عاد نطفيو عليها, نخليوها ترتاح 5 دقايق فوق فوطة فازكة بالماء ونحلو الكوكوط ونزينوها حسب الرغبة وبالصحة والراحة.