كيك رولي بالكريما والشكلاط
كيك رولي بالكريما والشكلاط
هد الرولي اخواتي تيجي غززال ولديد وفوقت قصير تيوجد نتمنى تجربوه ويعجبكم ندزوا للمقادير على بركة الله نحتاج الى 3 بيضات 100 غ دقيق ابيض 20 غرام بودرة الكاكاو 80غ سكر ابيض خشن سنيدة و1 خمارة كيماوية تتوزن 8 غ
1
2
3
اول حاجة بعدما نكون غربلت الطحين والكاوكاو تنخلطهم مع بعض وتنزيد الخمارة الكيماوية
نخلط الكل ونحطهم على جنب
تنطرب البيض والسكر الابيض مدة 10 دقايق بالطراب حت تيتضاعف الحجم وتتولي عندنا بحال شكل الكريما
تناخد الدقيق والكاكاو والخمارة لي خلطت من قبل وتنزيد تدريجيا بملعقة خشبية من الاسفل للاعلى حت تنكمل الكمية لي عندي ونحصلوا على خليط خفيف
تناخد اللاطة وتكون مربعة الحجم وحجمها مابين 22 او 24 سم ونلبسها بورق الالمنيوم او الورق الخاص بالطبخ ندهنها مزيان بالزبدة ونرش الطحين
ونسكب الخليط الفرن تنكون مسخناه من قبل على درجة حرارة 220 وندخل الاطة وننقص من العافية ونخليها متوسطة تقريبا ف 10 دقايق تيكون جاهز
هنا خرجتها من الفرن ووجدت شوية القهوة سريعة الدوبان مخلطة مع الماء وشوية السكر
سقيتها بالقهوة وروليتها كيف واضح فالصورة وخليتها مرولية تقريبا 10 دقايق على ماوجدت الكريما
الكريما استعملت الكريم الشنتيي اديال مع نصف كاس حليب ننصحكم الاخوات لي فالمغرب ديما ياخدوا هد الكريما تطلع احسن من الزا ولونها ابيض ناصع وعندكم الاختيار تعملوا اي كريما تتفضلوها او تخدموا بالكريم فريش
خلطت الكل وطربتها مزيان حت ولات عاقدة
هنا الشكلاط تنعمل هد الطريقة تتجي ساهلة وتيجي المنضر غززال يعني تنكرط اطراف الشكلاط غي بالموس تاع الخضر بشكل طولي
خديت الكيك سرحتوا مرة اخرى وعمرت بالكريما والشكلاط
وزولت ورق الالمنيوم وروليتها راه تيجي ساهل ومتيعدبش نهائيا
دهنت الوجه والجوانب بالكريما وزينت بالشكلاط
بالصحة والعافية