طريقة تحضير بسطيلة الحوت بالصلصة البيضاء و الفرماج رائعة

طريقة تحضير بسطيلة الحوت بالصلصة البيضاء و الفرماج رائعة

المقادير و الطريقة:

كيلو ونص كروفيط + كيلو ونص كلامار +  كيلو ونص ميرلا او الفرخ + كيلو ونص لالوط
الحوت يكون مغسول وناشف ونشرمل الكروفيط ب 1 ثوم + راس م ص ازير + ملح + ابزار + 2 م ك زيت مائدة + شوية زعتر ربع م ص + م ك عصير الحامض ونديرو في لاطة فوق ورق الطهي وندخلو الفران 10 دقايق
ناخد لالوط ونشرملو : م ك الربيع + ورقة نعناع مقطعة رقيق + ملح + ابزار + م ك صلصة صوجا خفيفة + 2 ثوم + ابزار راس م ص + ملح + 2 م ك زيت + م ص عصير الحامض ويدخل الفران 10 دقايق
الكلمار نقطعو و نصلقو في ما + ورقة موسى + طرف حامض + ملح طلع الغلية 3 دقايق و نحيدو ونصفيه ونشرملو : ب 2 م ك زيت + م ص عصير الحامض + ملح + راس م ص ازير + زعتر قبصة + م ص ملح صيني اختياري وندخلو الفران 10 دقايق
القرب او المرلا واو الصول واو الفرخ نقطعو يتبخر 5 دقايق ونحيد القشرة ونشرملو ب م ص الربيع + زعتر + ازير + 2 م ك زيت + م ص عصير حامض + ملح صيني + راس م ص ابزار وندخلو الفران 10 دقايق
نخج الحوت من الفران ونصفيه من الما
الصلصة : بصلة بيضا  كبيرة مشلظة رقيق + 1 ثوم محكوك مشحرة في زيت + علبة كبيرة رابعة شومبينيون + شومبينيون اسود اختياري يكون داز من الما مغلي باش يتنفخ ونشحرو مع 2 ورقة موسى يتشحر مزيآان + م ص ملح صيني + ملح + ابزار + م ص الربيع + م ك الزبدة + الما ديال الحوت اللي صفيناه ونخليه يتشحر على نار عالية حتى ينشف + 2 علب الكريم فريش على نار عالية + 1 فرماجات حتى تقال شوية بلا ما تنشف
نحط الحوت ويكون بارد في كصعة ونخوي عليه الصلصة تكون باردة + رابعة الفرماج احمر محكوك ونعمر البصطيلة وندخلها الفران