كيك بالسميدة سهلة في المقلاة

كيك بالسميدة سهلة في المقلاة
كيك بالسميدة سهلة في المقلاة

موضوع الاخت : nina
مقادير :
غاد نعبرو بكأس أثاي أي (150ملل)
حاجتنا ل 2 كيسان أثاي سميدة رقيقة
1 كاس حليب أي( 150 ملل)
1/2 كأس زيت اي( 75ملل)
2 خمارات حمرين
1 فاني
قبصة ملح
1 ملعقة كبيرة سنيدة
1 بيضة
50ملل حليب
غادي نخليوه حتى الاخير عاد نزيدوه حتى ترتاح العجينة حيث غاد
تكون شربات الحليب الأول
طريقة تحضير :
نخلطو المقادير الأولى و نخليوها ترتاح واحد 1/4 ساعة ضروري تخليها ترتاح،

من بعد غادي تلقايها شربات الحليب الأول كيفما قلت عاد تزيدي ليها 50 ملل
الحليب الثاني.
غاد تسخني مقلاة ما كتلصقش بحال طيفال يكون القطر ديالها 22 سم إلا كانت
عندك وحدة كبيرة دوبلي المقادير، و تعملي فيها 1 ملعقة زيت

تفرغي الخليط و تخليه يطيب من الجهة الأولى 10 دقائق على نار مهيلة بزاف

تقلبي بشوية و تخلي الجهة الاخرى طيب عاود شي 5 دقائق،
راها كتنفخ شوية.

صافي و تو ضعيها في طبق التقديم و تزينيها كيفما بغيتي،