مسمن و محنشات معمرين بالدجاج
مسمن و محنشات معمرين بالدجاج
مقادير الحشوة
البصلة مشلضة+ صدر الدجاج + الملح + الابزا ر+ السكنجبير + الثومة محكوكة + الخرقوم البلدي + لشعرية الصينية+ صلصة الصوجا+ االزيتون مقطع + جبنة موزاريلا او اي نوع تفضلو
1
2
3
الطريقة
تنقليو البصلة فشوية الزيت حتى تدبال و نزيد عليها صدر الدجاج مقطع ونضيفو الثومة محكوكة ثم الثوابل ونحركو الخليط ونخليوه يتقلى مزيان من بعد نزيد الشعرية الصينية من بعد مارطبناها فالماء الطايب وقطعناها ثم نظيف الربيع مقطع ثم صلصة الصوجا و نحركو حتى تنساجم العناصر و ينشف الخليط و نخليه يبرد عاد نضيفو الجبن مقطع.
عجينة المسمن راه كلشي كيعرف ليها انا تاندير الدقيق الابيض و الدقيق الاصفر نفس الكمية و الملحة و نعجنوها بالماء بارد و ندلكوها مزيااااان و نخليوها ترتاح و من بعد نديرو كويرات صغار .
نطلقو العجين مزيان بالزيت والزبدة ثم نحطو الحشوة ونلويو على شكل محنشات كيف باين فالصور وبالنسبة لمسمن تانطلقو العجين ونحطو الحشوة فالوسط و نطويو عليها العجين و الطوية لآخرة نديروها لتحت كيف باين فالصور وملي نكملو نكرصوهم غير شووووية و ندهنوهم بالبيض و ندخلوهم للفرن وبالصحة والرحة
