فطيرة معمرة بالطون جدا لذيذة بالصور

فطيرة معمرة بالطون جدا لذيذة بالصور

فطيرة معمرة بالطون جدا لذيذة بالصور
الوصفة من تحضير الاخت صفاء جزاها الله عنا كل خير

مقادير فطيرة معمرة بالطون

مقادير العجين

250 غ دقيق
140 غ ماء دافئ
7 غ خميرة
2 م.ك زيت زيتون او عادي لي عجبكم
ربع م.ص ملح

مقادير الحشوة

بصلة متوسطة مشلضة
2 فلفة خضرا مقطعين مربعات
1 فلفل احمر صغير مقطع مربعات
2 حكاك طون مصفيين من الزيت
حفينة من الزيتون خضر مقطع
3 م.ك صوص طوماط
زيت زيتون
ابزار
ملح

طريقة تحضير فطيرة معمرة بالطون بالصور

1ـ كنجمعو جميع المقادير و نخدمو العجين بيدينا شويش لازم يكون لين و ماكيلصقش باليد و نغطيوه و نخليوه يخمر حتى يضاعف الحجم ديالو ( بالنسبة للماء نتوما كتعجنو و نتوما كضيفو الماء على حسب كل دقيق انما تقريبا غدي تاخد ليكم 140 غ ديال الما ) .

2 ـ ناخدو مقلاة و نديرو فيها شويش ديال الزيت و نشحرو فيها البصلة مع الفلفة خضرا و حمرا ملح و ابزار , من بعد ما يتشحرو و ينزلو شويش نضيفو الصوص طوماط و نطفيو عليهم , ز نزيدو الطون مع الزيتون و نخلطو الكل و نخليو الحضوة على جنب تبرد شويش .

ـ من بعدما خمرات العجينة ناخدوها و نقسموها على 2 و نطلقو الكورة الاولى بالمدلك على شكل دائري او حسب الشكل لي بغيتو لازم تكون العجينة رقيييقة و نديروها فلاطة ( انا استعملت لاطة ديال البيتزا ) .

ـ نوضعو الحشوة من فوق العجين لي عندنا فلاطة , نطلقو النصف المتبقي من العجين و نغطيو به الحشوة نزولو الشايط و جمعو العجينة التحتانية مع العجينة الفوقانية و حنا كنقرصو فيها باش ماتخرجش الحشوة , و بالنسبة للعجين لي شاط نطلقوه و نقطعوه بقطاعات الشكل لي بغينا و نزينو به من الفوق , ندهنو بالبيض و نديرو تقيبات فالخبيزة بقطيب ديال الشوا و ندخلوها الفران حتى طيب و تحمر و بالف صحة و عافية .

ثم نقدم فطيرة معمرة بالطون وبالصحة والراحة

فطيرة معمرة بالطون جدا لذيذة بالصور