نصائح مطخية ستنفعك في الحياة اليومية

نصائح مطخية ستنفعك في الحياة اليومية

نصائح مطبخية جديدة

نصائح مطخية ستنفعك في الحياة اليومية ويمكنكي الاستفادة من هذه النصائح
سابقا كنت تشتكين من حلول من اشياء تقومين بها في المطبخ الان مع هذه النصائح المطبخية يمكنكي التخلص من هذا المشكل

images نصائح مطبخية جديدة
نصائح مطبخية

فتات الحلوى لي بقات من بعد العيد طحنيهم وخلطيهم مع الكوك والمكسرات مهرمشين رقاق والفواكه المعسلة
وجمعي الكل بالشكلاط وعمليهم بودان على شكل عصيات وخوي عليهم الشكلاط مدوب حتى يتغطاو بالكامل وزينيهم بالفرشيط من الفوق على شكل خطوط
وخليهم يبردو وقطعيهم بحال الفقاص
نصائح مطبخية
ملي تكون عندك البصلة كثيرة عمليها على شكل عقد بحيث تحزمي بالوحدة في خيط سميك او القنب البيض مثلا كل 1كلج في خيط وعلقيها في مكان مهوي تتصبر مدة طويلة
نصائح مطبخية
لتنظيف الزهور الصناعية بسهولة ويسر مع الاحتفاظ بلونها ورونقها
يتم تعريضها لبخار الماء المنبعث من ماء مغلى ثم ترش بعد ذلك بمثبت الشعر

لمنع صرير الابواب القيام بطلاء المفصلات بطبقة كثيفة من الفازلين
اوباي زيت تجربة شخصية
نصائح مطبخية
لتطرية شرائح البفتيك المعدة للشى او القطبان
يتم اضافة قليل من الخل اليها وتركها لعدة ساعات قبل القيام بعملية الشى

البيكنج باودر/ الخمارة يتم اضافته الى البقسماط المطحون الذى يستخدم فى تحمير البفتيك والستيك وصدور الدجاج وكذلك الاسماك

للحفاظ على الخيار طازجا ومتماسكا لأطول فترة ممكنة
يتم وضع قليلا من الماء البارد فى أناء واسع ثم يغرس الخيار به وهو متراص كاصابع المحشى مع مراعاة وضع الجذع مائلا للماء

لاضافة نكهة طازجة الفلفل الاسود/الابزار/للحفاظ على نكهة الفلفل الاسود المطحون واضافة الطعم الطازج له
يتم وضع بعض حبات الفلفل الاسود الصحيح فى علبة المطحون

لعلاج بلل الاحذية إذا ماتعرضت الاحذية للبلل نتيجة انغماسها فى ماء الامطار
يتم حشوها بورق الجرائد ( الخالى من الايات القرآنية ) حتى تمتص الرطوبة وايضا للحفاظ على الشكل الطبيعى للحذاء

لإختبار البيكنج بودر/الخمارة/يمكن إضافة قليل منه الى الماء
فاذا احدثت فوارانا فأنها تكون صالحةاما اذا لم يحدث هذا التفاعل فهذا دليل على انتهاء صلاحيتها

الى عملتي الفلفلة مشرملة و بغيتي تحتافضي عليها مدة طويلة طبعا خاص الفلفة تغطى بالسائل باش متفسدشي

لكان عندك الكرموص بكثرة عمليه كومبورت
1كلغ سنيدة +كاس كبير ماء+عود قرفة + نصف حامضة مع عصيرها +4حبات قرنفل +نجمة باديان اختيارية
نعملو الكل في كوكوط على نا رمهيلة ومنين دور الصفارة نحسبو 10د
ونفتحو الكوكوط ونضيفو الكرموس مغسول وصحيح سواء ابيض او اسود او هما معا ونخليوه يطيب بلا غطا و بلا منحركو بزاف باش ميتحلشي
ونزولو الرغوة منين تطلع
ومنين يتعسل ويرجع العسل ديالو ثقيل نعصرو عليه نصف الحامضة الاخر ونطفيو عليه ونعملوه في قراعي معقمين
ونسدوهم مزيان ونعقموهم 10د ونخليوهم حتى يبرد الماء عاد نزولوهم ونقلبوهم على فمهم 12ساعة ونخزنوهم

الى عجين الحلوة كيتقطع ليك او يتفرتت لكانت صابلي عمليها في الثلاجة تبرد وسرحيها برفق مع رش الطاولة والمدلك بالطحين
او غطيها ببلاستيكة عاد سرحيها بحيث تتكون البلاستسكة مابين العجين والمدلك
ولعملتي هاد الشي كلو متعالجتشي زيديها بيضة باش تجمع غادي تكون كترتي الطحين فيها داكشي علاش تتقطع

يجب الاهتمام بلوح تقطيع اللحوم والخضروات وتنظيفها بعد كل استعمال وعدم المزج بين اللحوم والخضروات والأسماك لأنها قد تؤدي إلى الإصابة بالسالمونيلا لذلك يجب نحدد واحدة للخضار والفواكه والثانية للحوم والثالثة للأسماك ,
كما ينصح بنقعها ليلا بالمطهر والصابون والماء الساخن وذلك لتطهيرها وقتل الجراثيم
فالالتزام بهذه العادات الصحية الجيدة تقلل من خطر تعرضنا للتسممات الغذائية
وأخيرا قد تبدو هذه النقاط سهلة وبسيطة إلا أنها حقا في غاية الأهمية والالتزام بتنفيذها
هي الطريقة العلمية الصحية والصحيحة للوصول الى الأمان الصحي والابتعاد عن كل الأخطار البكترية التي تتربص بصحتنا

احتراق سطح الكيك
إذا احترق سطح الكيك افعلي الآتي
أزيلي الجزء المحترق
ثم رشي مسحوق السكر على الكيك
ضعيه في الفرن مرة أخرى لخمس دقائق.. ستفاجئين بوجه ذهبي للكيك

فاكهة الثلج

بدلا من إضافة الثلج الصغيرة إلى العصير الطازج ، جمدي حبوب الفاكهة ، مثل العنب أو دوائر الليمون الحامض ثم أضيفيها إلى العصير قبل تقديمه إلى ضيوفك
الحفاظ على الموز

لكي تحتفظي بفاكهة الموز الناضجة لأطول مدة ممكنة ، غلفي كل حبة منها بورق الألمنيوم ثم ضعيها في سلة الفاكهة أو الخضار

لا حاجة إلى كي الستائر

إذا اتسخت ستائر منزلك ، فلا تزعجي نفسك بالتفكير بالجهد ، الذي ستبدلينه في كيها ، إذ لا حاجة بك أصلا إلى كيها ، ففي إمكانك تعليقها فورا في مكانها ، بمجرد إخراجها من الغسالة ، وسترين أنها تجف من دون أن تظهر عليها أي ثنيات ، كما أنك تتوفرين بذلك مكانا على منشر الغسيل
اي قرعة سواء الطماطم او المربى او المخللات لمبغاتشي تفتح
قلبيها على فمها وعمليها فوق النار وبقاي دوريها حتى تسخن لغلاقة قليلا
وحاولي تكون مايلة لجنب الغلاقة وغادي تفتح بسهولة
او قلبيها على فمها فوق البوطاجي وضربيها بكف يدك من الفوق وغادي تفتح
بسهولة

باش يتخلط ليك الطحين ديال التدويرة دالحريرة بسهولة وبلا مضرب
عملي الطحين والماء في قرعة زجاج ديال المربى الكبيرة وسديها وخلطي مزيان
حتى تنساجم العناصر

الى بغيتى الحمص
يرطابلك في ظرف نصف ساعة عملى ماء غليان والحمص في طرموسة القهوة وسدى عليها

تقطير الماء ورد او الزهر
كنخدو الورد ونخليوه يومان حتى يدبال
ونعملوه فى الكسكاس والبرمة فيها الماء الخاصة بالتقطير
ونقفلو ونعمرو القطارة
بالماء كل ما سخن الماء نبدلوه بماء بارد والماء اللي تينزل من الجهة الاخرى
هو
روح الزهر تنديروه فى قراعى ونقفلوهم مزيان

بالنسبة للجنجلان او اللوز ايفيلي منين كنزينو بيهم البريوش كيطيحو باش يبقاو ثابتين كندهنو بالبيض و نديروهم و نعاودو ندهنو مرة اخرى غدي يبقاو لاصقين

الا طيبنا العسل فالدار و قصاح لينا كنسخنوه و نزيدو عليه الماء طايب و نحركو ثم نزولوه و الا رجع لينا العسل سنيدة كنزيدو عليه عصير الحامض و نردوه يطيب

باش نصاوبو لاشابلير بلا مانحمرو الخبز كناخدو الخبز اللي شاط و نزولو ليه الجناب القاصحين نخليو غير البابة و نديروه فالمجمد و منين نحتاجو لاشابلير نجبدو الخبز من المجمد و نحكوه مباشرة و نستعملوه بلا ما يتحمر

للاحتفاظ بالقوق اكبر مدة ينقى ويسلق نصف سلقة مع الماء والملح والخل والحاض دوائر
نخليوه حتى يبرد فى مائه عاد نديروه فى بلاستيكات ويدخل للمجمد

الربيع اللى تيكون فى المجمد نديروه حتى نبغيو ندورو الحريرة باش تبقى فيه النكهة ديالو

الا قدامت مقلة البغرير و مابقاتش صالحة للبغرير يمكن نستغلوها في شوي الخضر بحال الفلفلة و الدنجال الا كانت كمية قليلة و مابغيناش نشعلو الفران على قبلها. كنسخنو المقلة مزيان و نستفو فيها الخضر اللي بغينا و نخليوها تشوى مع التقليب مرة مرة كتجي مشوية بحال الفران و ماكتوسخش لينا البوطة

باش ما نضيعوش الحامضة ايلا بغينا غير شوية منها
نديرو فيها ثقب غليض شوية بالابرة او قطيب ثم نعصرو القطرات اللي بغينا و نسدو الثقب بقرنفلة

عصير المانك بدون مانك
نعصرو الهندية ونصفيوها من العضام ديالها
ونعملوها في مكعبات الثلج وعملوها في المجمد
ومنين نحتاجوها نخرجو لقياس ونزيدو عليه عصير البرتقال

طريقة السمن المدوب

كيلو الزبدة البلدية او الرومية
كموصة الزعتر من الاحسن فاصمة
1 م ك الملح
1 م ص الدشيشة الغليظة

تنديرو الزبدة على نار ميلة مع الزعتر والملح حتى تدوب مزيان عاد نديرو الدشيشة ( البلبولة ) حيت هى اللى كتصفى الزبدة
تيبقى الماء تحت والسمن فوق تنصقيو السمن غير بشوية بلا ما نخدو اللى التحت وتنديروه فى قرعة الزاج ومانقفلوش عليه حتى يبرد تماما عاد نسدوها

معظم البهارات تفقد بعضا ً من نكهتها ومذاقها عندما تتعرض للحرارة أو الضوء أو الهواء ويمكن حفظ البهارات في وعاء زجاجي محكم الغلق في درجة حرارة الغرفة بشرط أن تكون بعيدة عن الفرن والميكروويف والخلاطة وأية ماكينة أخرى تولد حرارة عند تشغيلها. وبعض البهارات يمكن وضعها في وعاء زجاجي محكم وتحفظ في الثلاجة لمدة 3 – 4 أشهر وفي المجمدة ( الفريزر ) لمدة عام واحد

ازرارع انا تنعملهم في قراعي دالزجاج ونغلق عليهم مزيان وتنعملهم في البلاكار من التحت

منين تكحال النقرة ندوزو عليها معجون الاسنان اي نوع و ناخدو اي حاجة مثل شيتة الاسنان نفزكوها و نبقاو نحكو بيها مع استعمال الماء مرة مرة و احنا كنحكو و يمكن نعاودو العملية حتى تبياض و تولي تلمع

باش تبقى القطاني( مثل الفول و العدس و اللوبيا و الحمص)مزيانة مدة طويلة و ماتديرشي السوسة
نديروها في قراعي ديال الزاج و مع كل كيلو نديرو 3 او 4 ديال مزاود سودانية

الفلفلة الحلوة مرقدة : كناخدو مقدار من الفلفلة حلوة ، نشويوها ونظفوها من القشرة ونغسلوها ونخليوها تقطر ، نحاولو نجمعو الماء اللي كيقطر منا ونعبرو قدو خل ، كنزيدو عليه شوية ديال قزبور حبوب ، كمون حبوب ، ورقة سيدنا موسى ، 2 فلفلات خوضر حارين ، ملحة ، و 2 ضروس ديال الثومة .
نحطو هاد العناصر في اناء ، نعملوها على العافية وقبل ما يبدا يغلي نهزوه من فوق العافية ، ناخدو قرعة ديال الزاج نقية طبعا نعملو فيها الفلفة ونكبو عليها السائل ونغلقو عليها مزيان . تصبح صالحة للاستعمال بعد 10 ايام وكتدوم حتى لسنة ، غير مي تبغي تهزيها استعملي فورشيط وتجنبي استعمال اليدين

بالنسبة للكيكة ديال الشكلاط ، من الاحسن نرشو القالب ديال الكيكة قبل ما نكبو فيه الخليط وبعدما دهناه بالزبدة او الزيت بغبرة الشكلاط بدل الدقيق اللي كيبقى على الوجه ديال الكيك ابيض

ملي نبغيو نصبنو المانطات و البطانيات ، بدل مسحوق التصبين نستعملو بان دو دوش (صابون سائل ديال الجسم ) نصبنو بيه ، كيخلي الغطا ناعم وريحتو زكية وعطرة

اذا كان عندكوم لافابو مخنوق خودو ملعقة كبيرة بيكربونات الصوديوم ، نصف كاس د الخل ، وكاس كبير ماء طايب ، نخويواه ف لافابو ونخليواه ليلة كاملة ف الصباح نلقاواه تسرح بوحدو

الى بغينا روز بيض بزااف و رطب نضيفو معلقة عصير حامض لكل زلافة ديال روز و زلافة ماء الى ضفناها كاي خلي الروز رطب و لديد بزااف

الى نطيبو البقولة مان ضيفوش الملحة في الاول نخليوها حتى الاخير باش تسهال طياب

الى بغينا نسهلو عملية تقشير بطاطة المصلوقة نوضعو البطاطة مباشرة في بانيو فيه ماء بارد

الى بغينا نتفداو الزيت لي تان قليو فيها باش ماي طيرش علينا زيت نديرو شوية ملح

الى بغينا نتخلصو من رائحة الحوت نغسلوها بماء بارد ثم الغسلة التانية نغسلو بتخت ديال القهوة

عوضي صلصة بيتزا بالكيتشوب

نضيف قبصة الملح لبياض البيض ملي نبغيو نطربوه باش يطلع مزيان وبسهولة وبسرعة

تصبير الخوخ تاخدي غير الخوخ ليكون قاصح مطايبشي مزيان وتقسمسه على 2 وتزوليلو لعضام
وتعمليه في قراعي معقمين وصبي عليه
لكل كاس سكر 2كؤوس ماء +م ص عصير حامض وتحركي مزيان حتى يدوب السكر وتعمري لقراعي مزيان وسديهم وتعمليهم في طنجرة وتغطي عليهم بالماء حتى 3/4 ديال القرعة وتعمليهم فوق النار 20د من بعد الغليان وتطفي وتخليهم في ماهم حتى يبرد وتقلبيهم على فمهم من 12 حتى24 ساعة
وخزنيهم عادي في البلاكار

المقراج لقدام مترميهش
ستعمليه لسلق البيض
عملي البيض والماء ومنين يطلق اسبولة نقصي النار وخليه 5د يكون طاب
وخليه يبرد وزوليه

الحوت باش يجي لديد بشكل عجيب
عملي ضرس دالثوم مهرس بقشره في زيت القلي بارد
ومنين يتحمر زوليه وعملي السمك يتقلى
نصائح مطخية ستنفعك في الحياة اليومية