مقرونية بصوص البولونيز والبيشاميل بالصور
مقرونية بالبيشاميل فالفران و نضت درتها و جات غزالة تبارك الله
1
2
3
اولا المقادير:
– باط من اي نوع و كنفضل الفوزيليس او المكاروني كيدخلها لاصوص زوينين نسلقوها فما و ملح و شوية دالزيت و نصف مكعب من كنور.
– صوص بولونييز:
نص كيلو كفتة.
بصلة كبيرة محكوكة غليضة
تومة محكوك.
ماطيشة ديال الحك.
3 مطيشات كبار محكوكين.و العطرية اللي كتفضلي
الطريقة :
كتشحري البصلة و التومة فالزيت البلدية حتى يدبالو و تزيدي عليها الكفتة تقلى شوية و تزيدي ماطيشة الحك و المحكوكة و العطرية و تخلي كلشي يتشحر و ينقص من الما.
– صوص البشاميل:
نص لتر حليب
50غ طحين
50 غ زبدة
ملح و ابزار.
الطريقة :نخلطو كلشي في الكاسرونة ماعدا الحليب و نحركو مزيان و نبقاو نضيفو شوية بشوية حتى تكون عندنا صوص ماخفيفة ماتقيلة.
– اي نوع جبن تفضلوه ممكن موتزريلا مع الفرماج الاحمر او غير الفرماج الحمر المهم اللي موجود.
كتجيبي المول كديري طيبقة ديال البشاميل هيا الاولى ثم المقرونية مخلطة مع صوص بولونيز و تولي ديري طبقة ديال البشاميل و شوية ديال الجبن و تولي ديري طبقة ديال المقرونية وهاكا اخر طبقة تكون الفرماج و تهلاي فيها مزيان باش تجي معلكة.
و دخليها الفران من الاعلى حتى تسخن مزيان و عاد شعلي الفوق باش تحمر.
و بالصحة و الراحة