طريقة تحضير لازانيا و كانيلونى بطريقة رائعة بالصور

المقادير

مقدار نصف كيلو من مطيشة محكوكة
كفتة البكري متبلة او كفتة بيبي حت هي تتجي فنة غي خصها تكون متبلة مزيان وشاربة العطرية غي انا تنزيد عليها شوية الكوزة محكوكة كتعطيها مداق زوين ومتياننش انها كفتة بيبي تنشلظ فيها بصيلة صغيرة والربيع مكرد وتنزيد الملح ابزار كمون تحميرة شوية زيت بلدية وفي الاخير الكوزة محكوكة وتنخليها اكتر من ساعة فالتلاجة

2 بصلات متوسطين ومشلضين

3 خيزوات مقطعين مربعات رقاق ومربعين او محكوكين فالحكاكة الرقيقة

ملح ابزار زويتة مخلطة ورقة موسى دريس واحد التوم

نشحر البصلة مع العطرية والتوم والزيت نخليها حت تدبال

نزيد المطيشة المحكوكة ورقة موسى

غي تشحر شوية ونزيد الكفتة والخيزو مربعات

نخليهم تقربيا يطيبوا مدة 40 دقيقة حت يتشربوا مزيان
منزيد لا ماء لاوالووو كلشي تيطيب فديك الميهة تاع مطيشة

ملي تتوجد تنكون مقطعة شوية الحبق ونزيدو عليها تيعطيها مداق زوين مكانش متوفر عندكم يمكن ليكم تعملوا 2 وريقات نعناع مكردين
ندوزو دبا للصلصة البيشاميل الكل تيعرف طريقة تحضيرها

تناخد 2 معالق كبار من الزبدة نعملهم يدويوا فكاسرونة فوق نار هادئة ملي يدوبوا نزيد 3 معالق طحين فورص ونخلطهم مزيان ونزيد نصف ليتر حليب بشوية بشوية باش ميتكورش لينا الطحين وحنا تنحركوا نردهم فوق العافيه مهيلة يطيبوا ونزيد شوية ملح ابزار وشوية الكوزة محكوكة نبق نحرك فالخليط حت يولي عاقد
نزولوها من على النار ونحتافضوا بيها للاستعمال

ندوزا للطريقة الاولىLES CANNELLONI
تناخد هاد النوع لي موجود فالسوق وعاد ضهر مؤخرا ومغاليش تقريبا مفايتش 15 درهم وفيه تبارك الله الخير والبركة ولكن تيجي المنضر ديالو رائع وساهل فالتوجاد

ندهن مول الفرن بالزبدة ونبدا نعمر فيهم ونستفهم فالمول ملي نكمل تنعمل صلصة البيشاميل ونزوق بشوية الحشوة لي وجدنا ونرش عليهم الفرماج احمر محكوك ونكب عليهم كاس حليب بارد وندخلهم للفرن يطيبوا متتاخدش وقت بززاف فالطياب

دبا غندوز للطريقة التانية وهي لازانيا ولي تنصحكم تاخدوا هد النوع مصنوع من القمح الطري زوينة بززاف وفغالياش ماشي بحال المركات الاخرين هدي تدير غي 25 درهم

تناخد اللازانيا ونكون موجدة طنجرة فيها الماء ساخن ونلوح وحدة ونخليها تقريبا 2 دقايق تغلى مزيان نزولها ونحطها فوق زويف يكون ناشف حت نكمل العدد لي بغيت


ندهن المول بالزبدة ونعمل طبقة من لازانيا
نزيد طبقة اخرة من الحشوة ونسرحها مزيان ونزيد طبقة اخرى من صلصة البيشاميل وعاد طبقة من الفرماج مربع خاص بالسندويشات
ونغطي تاني بلازانيا ونكما نفس الطريقة باش عمرت الطبقة الاولى

ونبق نكرر فعدد الطبقات لي بغيت انا هنا درت 2 طبقات زائد الطبقة الاخيرة
فالطبقة الاخيرة تنعمل العكس تنفرش لازانيا ونعمل فوق منها صلصة البيشاميل وعاد تنفرتت الحشوة ونرش فوق منها الفرماج احمر محكوك
وبطبيعة الحال تندخلها للفرن طيب

هاهو الشكل النهائي
بالصحة والراحة

ملاحضة لي معندهاش نع لاصوص بيشاميل ملي تطيب الحشوة وتنشف مزيان محدها فوق العافية زيدي عليها كاس كبير حليب بارد و2 معالق متوسطين مايزينا وبقاي تحركي فيهم حت يعقاد الخليط وكملي التعمار بنفس الطريقة لي عملت فالاول غي هدي تتكون عندك الكفتة ولاصوص مخلطين