فقــاص راااائع بطريقة ناجحة ومضمونة بالصور
1
2
3
للأخت سكينة ام ادم جزاها الله عنا كل خير
ليوووووووم جيـت نشاركم ب فقاص اقل ما يقال عليه رآآآئع،،مقادير الام ديالي ،ومع
سر بسيط باش مايتهرسش ليك في التقطاع
مقادير فقــاص راااائع بطريقة ناجحة ومضمونة
3 بيضـات
كاس سنيدة
كاس زيــت
نص كـاس الحليـب
شوية زنجلان+نافع+زبيب مقطع
لوز يكون مرطب ليلة من قبل ومقسوم على 2(هذا سر اول باش مايتهرسش الفقاص
في تقطاع)
خمـــارة
دقيــق حسب الخليط
طريقة تحضير فقــاص راااائع بطريقة ناجحة ومضمونة
تنخلطوو جميع المقاديـــر ونضيفو دقيق في الاخيـــر مع الخمارة والعجين تكون رطبة
فاش نبغيو نخدمو الحرابل ندهنو يدينا بزيت باش ماتلصقش و تكون ساهلة في
الخدمة ونكرصوهم غيــر شوية باش ماتشققش لينا الحرابل ندهنوهم بصفار بيضة
مخلط مع نقيطات الخل و نيسكافي ونزوقوهم بخطوط بالفورشيط
وندخلهم الفران يكون مسخن من قبل ،حتا يتحمر من التحت ونشعلو عليه الفوق باش
يتحمر،تكون العافية مهيــلة باش يطيب من الداخل
فاش نخرجووه نغطيوه بزيـف يكون فازك ونخليوه ؛(انا درتو في
الصباح وخليتوو حتا الليل عاد قطعتووو)
السرالتانــي و هو المهم باش مايتهرسش ليكم الفقاص هو تقطعووه بموس يكون رقيق و ماضــــي
نقطعووه وندخلو لفران مسخن من قبل باش يتحمــر كيجي رطب و في نفس الوقت
مقرمش وبنيـــــــن
