مقادير الماريناد:
عصير 2 حامضات كبار ، نصف كاس زيت العود ، 2 ضروس ثومة مقطعين بالموس، ملح و ورقة الرند.
ندهنو الحوتة مزيان و نخليوها غلى جنب
الحشوة:
الكلمار مصلوق و مقطع مربعات ، كروفيت مصلوق و منقي الكمية حسب حجم الحوتة ، فيرميسال مقطع مزيان من بعد مادرناه في الماء الساخن و صفيناه
الشرمولة ديال البسطيلة:
3 ضروس كبار ديال التومة محكوكين ، 3 ضامات ديال الدجاج ، 2 حامضات مصيرين كبار مكردين رقااااق بالكرادة بالقشرة ديالهم تنحيدو غير العضام ، معلقة كبيرة عامرة هريسة ، 2 معالق كبار مركز الطماطم ، زلافة ديال الربيع مكرض رقيق و الزيت كاس و نصف
الطريقة :
ندير كلشي في كاسرول ونطيبهم على نار مهيلة مع التحريك المستمر حتى تطيب الشرمولة و يولي لون الزيت احمر، نخلط بها القمرون و الكلمار و الفيرميسال و نعمر الحوتة ، نلفها في ورق الزبدة ، و نعاود ليها ورق الاليمنيوم من الفوق.
ندخلها تطيب في الفرن حتى نحس بيها طابت عاد نحيد ليها الألمنيوم و ورق الزبدة و نخليها تحمر غير شويا.
بالصحة و الراحة.
1
2
3