إلا كنتي أم أو قررتي تكوني أم فضروري تقراي هاد النصائح الي غادي تفيدك فتربية وليداتك ويكون صالحين إنشاء الله

لالة مولاتي، إلا كنتي أم لأول مرة أو قررتي تكوني أم فهذا شيء جميل، كيفما كتعرفي أن الأطفال نعمة من عند رب العالمين وأنهم كيغيرو وكيزينو حياتنا، لكن فحال هاد القرار قبل ما تاخديه كيلزم عليك سيدتي   تعرفي أنك أمام تحدي ومسؤولية كبيرة لي هي “التربية”، لذلك سيدتي من الواجب عليك تركزي على الهدف الرئيسي ديالك وتأجلي الأمور الثانوية لي هي الملابس وحفل العقيقة والإسم، لأن التربية شيء ليس بالسهل وكيحتاج إلى الذكاء والصبر، فلهذا لالة مولاتي قررنا نعطيوك بعض النصائح الي غادي تعاونك على تخطي هاد المرحلة مع طفلك، وتبقا عندك كقاعدة تنصحي بيها أحفادك إن شاء الله.

أكدت دراسات أن طفل ديالك كيبدا بمرحلة المراقبة ملي كيقفل شهرين ، يعني أن القدراة ديالو و تطور حواس عندو كيمر بسرعة ، كيقدر يتعرف بشكل أوضح على كل شيء من حوله و كتاسع دائرة التواصل الحسي يعني كيولي قادر يتعرف على اﻷقارب و الأصدقاء ، يعني هو اﻵن يعرف متى موعد الأكل و متى غادي تعتني بيه ومتى غادي تنويمه .. فهاد المرحلة الحساسة كيكون الدور ديال الأم أنها تنظم مواعيد الطفل من حيث الأكل واللعب والنوم حيت أي حاجه تعود عليها الطفل كيبقا مولفها.
فالعمر ما بين 4 شهور حتى 7 شهور كيبدا يعرف طفلك الإسم ديالو بسبب تكرارك فالمنداة به ونتي كتشوفي فيه وهنا كيبدا يعطيكِ التفاته ملي كتنادي عليه كدليل على أنه كيفهمك ، في هذه المرحلة كيصبح التواصل بينكم أكبر بحيث يستطيع فهم مشاعرك الخاصة بالحزن أو السعادة ،يعني بذكائك لالة مولاتي تحاولي تعبري ليه على الغضب ديالك نتيجة على فعل قام بيه فقد من عينيك أو حواجبك بدون صراخ حيت هاد الفعل يقدر يرتعب الطفل ويخاف، وغادي تضطري كل مرة تصرخي باش يفهمك أنكي غاضبه.

من 8 شهور ل 12 كيبدا يتطور فهم و ذكاء طفلك فكيبدا يقوم باختبارك أنتِ فمثلاً كيحاول القيام بأفعال متعددة فحال يرمي الأكل أو يمسك المفاتيح الكهرباء أو يرمي الألعاب ديالو .. باش يشوف ردة فعلك و بعد ذلك غادي يقوم بتكرار أي حاجه فقط باش يتأكد أن نفس ردة الفعل هي هي كل مرة لم تتغير ، ربما يلتقط منكِ بعض الكلمات كـ (لا) (ماما) و غيرها فمن الأحسن تنتابهي للكلمات أو المصطلحات الي غادي تقوليهم.. عليكِ في هذه المرحلة أن تكوني حذرة و أن تتعاملي مع طفلك أنه بدا يفهمك و يبني أفعالو على أساس ردة فعلك أنتِ .
هادي كانت بعض النصائح نتمنى تكون مفيدة وإلا بغيتي نصائح للأطفال فالسن ما بين عام إلا 4 سنين خلي لينا تعليق وحنا فخدمتك لالة مولاتي.