المكونات:
1
2
3
1- باش متيخلطش لينا الزرع المقشر و المهرس مع الحمص فالطياب، كنخدوا إناء، و نحطو فوق منو طرف ديال الثوب، و نخويو فيه الزرع ديالنا، و نعقدوه بهاد الطريقة، باش نحصلو على كموصة أو رزيمة.
2- كنخدوا كوكوط، و نحطوا فيها الكرعين، نزيدوا البصلة مقطعة، الزيت، الملحة و البزار على حسب الرغبة، معلقة صغيرة سكنجبير، معلقة صغيرة و نص تحميرة، معلقة صغيرة قرفة،نشعلوا عليها، و نزيدوا شوية ديال الما طايب، و نبداو نشحروا فيهم، و نسدوا الكوكوط، و نحركوها كيف كتشوفو باش نجانسو الكرعين ديالنا مع العطرية، من بعد نقلبوهم عاود، ونزيدو الما طايب باش نمرقوالأكلة ديالنا. و دابا، نضيفو ضامتي زعفران، و بنة الطياب ثومة، و الملون الطبيعي السنسلة، نزيدوا الحمص…
واش عرفتي بلي الحمص غني بالبروتينات النباتية، و بلي الألياف لي فيه مزيانة للجهاز الهضمي.
3- و فالاخير كنضيفوا الكموصة ديال الزرع، نزيدوا عاود الما طايب، و منين المرق يبدى يغلى ، كنسدو عليها و إلى بغينا الكرعين يطيبو بالزربة، كنزيدو عليهم 3 ديال العضومة ديال التمر، و نسدوا عليهم، و نخليوهم يطيبو لمدة 2 ساعات و نص تقريبا و من بعد مطابو الكرعين ديالنا، كنحيدو الكموصة ديال القمح من الكوكوط، و نعزلوها فإناء.
4- و فالتقديم، كنخدوا الطبسيل، و نحطو فيه الكرعين بهاد الشكل، و ندورو بيهم الحمص، و منساوش نحيدو العضومة ديال التمر من بعد، كنحلو الكموصة، و ناخدو منها الزرع المهرس، و نحطوهفالوسط ، و فالاخير كنصبو المرق من الفوق و للتزيين، كنزيدو عود ديال القرفة من الفوق من بعد ماسقيناه بالمرق.
و بالصحة و الراحة.