المكوّنات
حبات فلفل حلو اخضر
250 غ لحم مفروم
كاس متوسط ارز مسلوق ومغسول بما بارد
بيضه
مكعبات بصله صغيره مقطعه
0.5 ربطه معدنوس مقطع
ملح فلفل اسود راس الحانوت
صلصه الطماطم:
4 حبات طماطم
2 سنينات ثوم
2 ملاعق كبار زيت
ملعقه صغيره طماطم مصبره
الخطوات
نغسل الفلفل ونحيولو الراس الي ملفوق وننفظوه باه نتخلصو ملبذور وندخلوه لكويزينيار نشعلوها ملتحت. ونخليوه يطرى وكيتبدل لونو انحيوه ونحطوه في كيس بلاستيكي وكيبرد انحطولو شويه ملح داخل كل حبه
نحضرو الحشو: نخلطو الروز المسلوق واللحم مفروم والبصله والمعدنوس والبيضه والملح والفلفل اسود وراس الحانوت ونحشيو بيه حبات الفلفل ونقليوهم في زيت ساخن وفي كل مره نقلبو الحبه باه متتحرقش ومبعد نحطوه على ورق ماص.
نحضرو صلصه الطماطم: نغلي الطماطم في الما حتى تتطرى ومبعد انحيلها القشره ونرحيها فالميكسور ونحطها في مقله مع الزيت والملح والفلفل اسود وراس الحانوت وحبه فلفل حار والطماطم المصبره ونخليوها حتى اطيب ونخليوها شويه سايله منخليوهاش تنشف
نصبو صلصه الطماطم في بيراكس نحطو ملفوق حبات الفلفل ونرشو عليهم شويه راس الحانوت وندخلوه لفرن مسخن. لمده 15د
1
2
3