#المقادير
500غ المعجنات انا درت المجعبة، 2 حبة بطاطس مقطعين دويورات و مسلوقين مع الملح، فرماج سندويش ،6 بيضات ، نص كاس حليب ، ملح، ابزار، شوية قزبور، فرماج حمر مبشور،و مودزاريلا
#الطريقة
كانسلقو المجعبة في الماء الساخن مع الملح وشوية زيت الزيتون من بعد كا نصفيوها و كانقسموها على 2 ،النصف الاول كانخلطو معاه 3 بيضات و ابزار و شوية قزبور و شوية الحليب و نشيطو منو شوية للنصف 2 من بعد كانفرشوه ف مول مدهون بالزبدة و كانحطو فوق منو دويرات البطاطا و فرماج سندويش ، كاناخدو النصف الثاني حتى هو نفس العملية كانخلطوه مع 3 البيضات الباقيين و قزبر و ابزار و حليب من بعد كانفرشوه فوق من الفرماج و نديرو مودزاريلا و ندخلو الكراتان الفران طيب من لتحت و تحمر من الفوق طبعا اللي بغاها تكون محمرة اللي مابغاش عينيكم ميزانكم و ملي طيب نطفيو الفرن و ندردرو عليها فرماج حمر و نخليوه ادوب في حرارة الفرن كاتجي شهوة منها و من التصاور كايبان العربون هه بالصحة و الراحة
1
2
3