تحضير حلوة الدودة بالصور
1
2
3
المقادير:
4بيضات +كاس صغير زيت+كاس ونصف سنيدة +2خمارات حمراء +قبصة ملح
والدقيق حسب الخليط ومشطة طويلة جديدة
2معالق كبار بودرة كاكاو
خلطى البيض مع سنيدة +كل العناصر ما عدا الكا كاو حتى تحصلين على عجينة متماسكة نقسمو العجينة على 2كميةاكبر من الاخرى الكمية الكبيرة تبقى بيضاء والجزء الثانى نضيف لة الكاكاو العجينة البيضاء شكلى منها حرابل صغار والعجينة السوداء شكلى منها كويرات صغار خدى المشط حطى الكويرة
السوداء وزيدى فوق منها حربول ابيض وتكى مزيان باصبعك باش تاخد العجينة شكل اسنان المشط ومن بعد لويها على شكل دودة وسدفيها فى لاطا مدهونة ودخليها للفرن
اولا المشط اللى يكون طويل
فيه جهة رقيقة وجهة غليظة
ماشى د الكرن
تانيا كدهنى المشطة بالزيت و فوق الاسنان الرقيقة كالديرى الكرة السوداء و فوقها
اصبع من الابيض وتوركى بالاصبع ديالك باش تاخد الشكل وتلويها وتحطيها فى الاطة
المشط المستعمل هو الطويل كما في الصورة كتديري العجينة ديال الشكلاط وفوقها العجينة العادية وتضغطي عليهم باليد من الفوق باش ياخد شكل المشط ثم تقاديه بيدك على شكل هلال كما في الصورة