للعجين
1kg دقيق ممتاز
250 g زبدة
أربع معالق كبارزيت
بيضة
ملح
2معالق كبار سكر كلاصي
ماء زهر لجمع العجين
للعقدة
نصف كيلو كاوكاو رقيق محمر مطحون
نصف كيلو كاوكاو مقشر مقلي في الزيت مطحون
ونصف كيلو كاوكاو مقشر.
غليناه فالماء مع حامضة مقطعة طراف وربع كاس ماء زهر صفيناه ودخلناه للفرن غير نشف مزيان وطحناه.
ناخذو قسرية اللي غنخلطو فيها كاوكاو المحمر والمقلي والمصلوق نضيف 125 g زبدة، كأس ماء زهر، 2معالق كبار قرفة نصف كيلو سكر كلاصي أربع ملاعق كبيرة عسل للتعليكة يفضل العسل الحر
قليل من المسكة مطحونة، 2بيضات والزيت اللي يجمع لينا العقدة.
طلقت العجين رقيق حسب الطاوة اللي عندي من أحسن تفرشو ورق الزبدة الأول ذهنت العجين مزياان ببياض البيض وطلقت الحشوة وضغطت عليها جيدا بالدلاك عاودت ذهنت الحشوة ببياض البيض وطلقت العجين رقيق وغطيت به الحشوة
وقطعت مربعات بالمسطرة وزينت بورود من نفس العجين خليت الحلوى باتت عاد طيبتها
ومنين طابت وهي سخوووونة، سخنت لتر عسل مع كاس ماء زهر وكأس ناباج وقلييل من المسكة مطحونة وسقيت بهم البقلاوة وهي سخونة وخليتها ترتاح أربع ساعات حتى تشربت العسل زينت بعقيق ملون وقطعتها
1
2
3