المقادير مع الطريقة
1
2
3
في مقلاة على النار نضع البصلة المشلضة مع شوية الزيت وشوية الملح والبزار ونحك شوية الزعتر ونخلي الكل يتشحر حتى تدبال عاد نضيف الكفتة ونخليها تتشحر
عاد نضيف شوية الخرقوم البلدي وشوية التحميرة وشوية السكينجبير نحرك الكل ونخليها غير شي 2 دقايق حتى تنساجم العطرية ونزولها.
في هذا الوقت نكونو وجدنا عجين الشنيك كل واحد ويختار طريقتو (ماتكونش حلوة بزااااف) وطلقناها وقسمناها على 2 واحد ندهنو بالموطارد والثاني ندهنو بالكيتشوب
نسرح فوقهم الحشوة بالتساوي ونضيف الزيتون أسود مقطع ثم شوية الفرماج محكوك ونلويوهم مزيان ثم نقطعوهم بالخيط باش يجيو مقادين في الشكل وماتخرجش لينا الحشوة ونستفوهم في لاطة الفرن ونخليهم حتى يخمرو عاد ندهنوهم بالبيض مخلط مع شوية الحليب وملي طيب ونطفي الفران نرش عليهم شوية الفرماج