مقادير
+ زلافة الأرز
+ 1 فلفلة حمرا و1فلفة صفراء
+ 3 حبات خيزو
+ شوية جلبانة
+ رابعة قمرون منقي+ شوية قمرون بقشورو
+ رابعة كلمار
+ رابعة الحوت أبيض انا كان عندي غير الفرخ خديت طرف غليتو شوية فالماء وحيدت ليه الشوك
+ قطع صدر الدجاج أو بيبي
+2 مطيشات محكوكين
+ بصلة متوسطة مربعات
+ معلقة كبيرة مطيشة الحك أو صلصة الطماطم
التوابل
+ الملح
+ الابزار
+ سكنجبير
+ 1 كنور السمك مقسومة على 4
+ 2 وريقات سيدنا موسى
+ ضامة الزعفران أو الزعفران شعرة
+ 1.5 لتر ماء مغلى مع قشور القمرون ونصف كنورة سمك
+ زيت الزيتون والقليل من زيت المائدة
الطريقة
في طنجرة الضغط كنوضعو شوية زيت المائدة + زيت الزيتون + ربع كنورة
كنضيفو عليه ضامة الزعفران + الملح + الابزار + سكنجبير وكنشحرو شوية
بعد ما كتشحر البصلة كنضيفو الفلفل ونحرك
تم الجلبانة وقطع الدجاج + الكلمار+الحوت الابيض + الكروفيت منقي وممكن تخلي الكروفيت حتى يطيب كلشي وعاد يتحط مع الارز ونحرك
كنزيدو وريقات سيدنا موسى + مطيشة محكوكة + صلصة الطماطم وكنمرقو بماء قشور القمرون وكنسدو الطنجرة لمدة 5 دقائق
كناخدو مقلات نوضعو فيها شوية ديال الزيت ونشحرو القمرون لي بقشورو مع القليل من الملح والابزار ونحتافظو بيه
كناخدو طنجرة نوضعو فيها شوية الزيت البلدي + الملح وشوية ليبزار + ربع كنورة السمك لي حتافظنا بيها من قبل + الارز بعد ما غسلناه واستقطر
كنشحروه شوية ونحتافظو بيه جانبا
بعد ما حلينا على الخضر لي فالطنجرة كنصفيوهم ونحاتفظو بالماء ديالهم ونضيفو عليهم اللأرز لي شحرنا وكنحطوهم فالملاة لي غادي يكمل فيها الروز الطياب وكنزوقوه بالقمرون لي شحرنا
كنمرقوه بالماء لي احتفظنا بيه وكندخلوه للفران حتى كينضح الارز
انا هنا ستعملت المول الخاص بالبيتزا ديال الضوء
1
2
3