حبيباتي اش خباركم نتمنى تكونو بخير وعلى خير
جيت اليوم نشارك معاكم واحد الكوماج وواحد القناع جربتهم البارح والله العظيم يلا وجهي رع صافي ومورد وبيض
حمقني وجهي والله مكنكدب وغادي تيقي بكلامي منين حتى نتي غادي تجربيه
المهم بلا منطول عليكم ندوزو لطريقة تحضير الكوماج أو المقشر لي غنديروه فالأول
فشي وعاء غادي ديري ملعقة صغيرة من البن المطحون (قهوة ماشي نيسكافي ) وتزيدي عليها ملعقة صغيرة من القرفة وملعقة من السكر الخشن وملعقة من العسل وملعقة من زيت الزيتون ولعقة من الياغورت الطبيعي وقطرات من زيت اللوز الحلو غتخلطي المكونات كلها مزيان .
من بعد غادي تغسلي وجهك بالصابون مزيان وتنشفيه وتجيبي داك الخليط وتبداي تحطيه على وجهك وتفركي بحركات دائرية بلطف ماشي عنيفة وبقاي كديري حركات دائرية لمدة 10 دقائق ومن بعد خليه على وجهك على ما فركتي بالخليط يديك حتى هوما ورجيلاتك راه كيخرجو بويض وروووطب ، من بعد غسلي وجهك ويديك ورجيلاتك بالماء ونشفيهم .
من بعد وجدي القناع ولي غادي تحتاجي فيه ملعقة كبيرة من الشوفان المطحون لي هو الخرطال راه غتلقايه عند العطار أو المحلات التجارية ولكن خودي ديال البكية ماشي الخرطال لي بقشورو ، وغادي تزيدي عليه ملعقة ديال الروز المطحون والمغربل باش يجي ناعم على وجهك وزيدي عليهم حليب ساخن تدريجيا حتى تكوني عجين لين .
من بعد غاذي تديري القناع على وجهك وتخليه حتى يكرم ليك وتشوففي وجهك فيه تشققات عاد فركيه بحركات دائرية ومن بعد غسليه بالماء ومسحيه ومن بعد دوزي عليه قطنة مبللة بماء الورد وشوفي وجهك كيف غيخرج .
وبالصحة والراحة البنات والله يلا غيعجبك وجهك مور هاذ اكوماج والقناع .
ممكن تعاوديه مرة فالسيمانة راه كافية
1
2
3