وصفة طبيعية لحل مشكلة المسام الواسعة في الوجه بالصور
الوصفة طبيعية
وساهلة وفعالة و تتعطي نتائج رائعة
اول شيء غادي ديري حمام البخار باش
تنظف مزيان ذيك المسام قبل استعمال
الوصفة وطبعا حمام البخار بالاعشاب غني
عن التعريف اوراق النعناع والخزامى ووريقات
الورد والماء مغلي وغطي راسك واستنشقي
واحد10د
1
2
3
ومن بعد تحضري الوصفة الي غادي يخصنا
فيها المواد التالية:
ـ قشور الرمان يابسين ومطحونين
– مزيااان ومغربلين
ـ معلقة عصير الزنبوع او الرنج كل
واحد واش تيسميه الى ما كانش ديري
عصير الحامض ــ صاحبات البشرة
الحساسة يخفوه بالماء
معلقة النشا
4 معالق ماء ورد
نعلموا ماء الورد فوق نار مهيلة نضيفوا لو
معلقة النشا ونحركوا مزيان ومن بعد نضيف
معلقة بدرة قشور الرمان ضيفي عصير الزنبوع
او الحامض ، الخليط يكون متجانس فيه لزوجة
الطريقة:
غسلي وجهك كعادتك ، ومن بعد ديري القناع
ديالك وخليه مدة 20 دقيقة ثم زوليه بايديك
وانت تديري حركات دائرية تركزي على البلايص
الي فيهم المسام مفتوحة بحالا تديري كوماج
غسلي وجهك ودهنيه بكريمك اليومي الى كنت
بالنهار، او في الليل بزيت اللوز او زيت الورد،
غادي تلاحظي الفرق بشرة نقية وصافية وفيها
اشراقة والمسام خلال اسبوعين تهناي منهم بمرة
الى درتي القناع 3 المرات في الاسبوع
بشكل منظم غادي تحصلي على نتيجة رائعة
نضارة ومسام مغلوقة وبشرة موحدة
اللون بالصحة والراحة