المروزية المغربية معسلة رائعة بالصور
المقادير
1
2
3
كيلو او اكثر لحم الغنمي
2 بصلات كباار مشلظين مزيان
الملح حسب الذوق
2 فصوص ثوم محكوكين
نصف معلقة صغيرة ابزار
نصف معلقة صغيرة خرقوم
نصف معلقة صغيرة سكنجبير
نصف معلقة صغيرة قرفة او اقل شوية
شوية الزعفران الحر
معلقة صغيرة عطرية المروزية لي هي راس الحانوت
القزبر و المعدنوس مقبطين
نصف كاس زيت الى كان اللحم ماشي سمين و الى كان سمين نديرو اقل
الزبيب مسلوق
معلقة كبيرة حتى ل 2 ديال سنيدة
للتزيين
البيض مسلوق
اللوز مسلوق و مقلي فالزيت
الطريقة
درت اللحم و البصلة و العطرية و الزيت و الثوم و الربيع فالكوكوط و زدت تقريبا كاس ديال الماء وسديت عليها و درت الصفارة و خليتها على نار مهيلة و مرة مرة كنحل عليها نشوف واش خاصها الماء حتى طابت و تدغمرات المريقة و زدت عليها الزبيب مسلوق و سنيدة و خليتها شوية و طفيت و كبيتها فالطبسيل و زينتها باللوز مقلي و البيض مسلوق و بالصحة و الراحة
الصور توضح