عجين مورق بلكريم و اللوز
عجين مورق بلكريم و اللوز
1
2
3
پاط فيوتي
كريم پاتسيير
لوز محمر و مطحون
بيضة لدهن
لوز افيلي
بالنسبة للكريم باتسيير سنحتاج ل
4 اصفر البيضات
500 مل حليب
فاني
25 غ مايزينا
25 غ طحين
120 غ سكر او حسب الدوق
نعملو الحليب يغلي هو و حبيبات الفاني ( الا غادي تستعملو فاني عادية خلطوها مع اصفر البيض)
نطربو اصفر البيض مع السكر
تم نضيفو الطحين و مايزينا
نضيفو الخليط على الحليب الغليان و نحركو مزيان باش ماتكورش لينا الخليط
منين يبدا يعقد نطفيو البوطا و نعملو عليه بلاستيك و نخليوه يبرد
نقطعو الورقة دائرة
ندهنوها بالبيض
نعملو فوسطها قليل من الكريم مع اللوز مطحون
نعملو فوق منها دائرة اخرى
نغلقوها مزيان و نعملو شريطات بحال لي فالصورة بالسكين
ثم بمقطع دائري نعملو هاد الزواق
ندهنوها بالبيض و ندخلوها للفران
منين تطيب نخليوها تبرد و ندهنوها بمربى المشمش و نزوقوها باللوز افيلي