طورطة بالحامض و الفواكه
1
2
3
بمقادير الكيك:
3بيضات+كاس سنيدة+كاس ماعامرش زيت+دانون فاني+2خمارات
قشور حامضة محكوكة+الطحين عينك ميزانك والعبار بكاس العنبة
كنخلطو بحال الكيك العادي ونخويه فالمول اللي كيتحل من الجناب من الاحسن
ندوزو لمقادير السيرو:كاس سنيدة كاس الماء ساشي فاني عصير نص حامضة
ونحطوه يغلى بما وجدت الكيكة
هاهي ملي خرجات من الفران كنتكها مزيان بالفورشيط ونسقيها مزيان بالسيرو
نخليوها تبرد وندوزو لمقادير الكريم باتسيير:
نص لتر حليب 2معالق ك كريم باتسيير 4معالق ك سنيدة فلان الحامض
نسيت ماصورتوش من الاول
نحطو فوق البوطة ردو معاه البال را دغيا كيعقد
كنخويه بخفة فوق الكيكة وندوزو للتزيين
كنحتاجو لشريحة من الاناناس المعلب شوية الفريز مقطع بشكل طولي
2كيويات مقطعين دوائر حبة حب الملوك معسل والناباج لاعطاء اللمعان
طبعا كل وحدة تستعمل اللي موجود فالبيت
كنستف الفواكه بشكل فني وندوز الناباج من الفوق وندخلها للثلاجة تبرد راها دغيا كتشد راسها وكتجي منسمة مزيان
بمذاق الحامض ان شاء الله تعجبكم