كيك بالبرتقال المعسل مداق رهيييب
مزولا عند طلب الانيقات وضع وصفة بالبرتقال المعسل جبتلكم هده الكيكة بالشكلاط بسيطة و مداق رهيييييب
البرتقال المعسل
انحتاجو قشور اللمون او البرتقال
و نفس المقدار من الماء و السكر سنيده
1
2
3
متلا الى خدينا 100غ قشور+100غ سنيده+100غ ماء
ملحوظه: القشور منعبروهم حتي نبغيو نطيبوهوم
اول حاجة نقطعو القشور حسب الرغبة انا هنا درتهوم طوال
ترقدوهوم في الماء مده 24 ساعة
تم تديروهم فوق النار مع الماء و سنيده حتى اتبخر الماء كلو
مسرحوهوم فوق ورق الزبده حتى ابيسو تقريبا ساعة
من بعد نرشو عليهم سنيده
و ممكن نطحنوهم اوليو بودة الى بغينا نستعملوهم في الكيك او العقده
و هدا ملي طحتو انا مطحنتوش حتى و لا دقيق باش تحسي بيه في الكيك الداخل طراف
4 البيضات
كاس سنيده
كاس حليب
نص كاس زيت
معالق شكلاط غبرة مر
البرقال معسل
2 كيسان دقيق و 3 خمارات
الطريقة:
اول شيء نعلو الفران عاد نبداو نخلطو الكيكة
و لنجاح الكيك لازم نتاكدو ان سنيده دابت تماما دكشي لاش اول شيء نخدمو البيض مع سنيده مزياااان تقرابا 10 دقايق ايولي الخليط بيض و مضاعف حجمو
تم نضيفو جميع العناصر بالترتيب الي حطاه في المقادر بلا منحبسو التطراب ما عدا الخميرة بوحدها
عاد نحيدو الطراب و نضيفو الخميرة و نحركوها بالمعلقة ديال الخشب
مديروها في الطاوة و نخلوها للفرن
ملي نخرجوها نكبو عليها الشكلاط و ندردرو عليها شوية ديال بودرة البرتقال المعسل