فطيرة بحشوة البيتزا سهلة ولذيذة بالصور
1
2
3
مقادير
مقادير العجين
300 دقيق
4 معالق زيت الزيتون
نصف علبة ياغورت طبيعي
معلقة صغيرة خميرة معجونة
معلقة صغيرة سكر
نصف معلقة صغيرة ملح
ماء دافئ للعجن
مقادير الحشوة
بصلة كبيرة مقطعة و مشحرة في الزيت لي صفيت من الطون مع ملح و ابزار
3 فلفلات بالألوان أو3 خضرين مقطعة مربعات مشحرة في الزيت مع ملح و ابزار
علبة كبيرة طون أو 2 صغار مصفي من الزيت
زيتون أخضر مقطع
فرماج محكوك
شوية الزعتر
فرماج الساندويتش
2 معالق كبار صلصة الطماطم
للتزيين
بيضة
زنجلان
طريقة تحضير فطيرة بحشوة البيتزا جدا لذيذة بالصور
خلطي مكونات العجين و دلكيها مزيان تكون العجينة لينة و خليها تخمر
قسمي العجين على 2 كرات متساويين
طلقي الكرة الاولى بالمدلك على شكل دائرة
وضعيها في مول مدهون بالزيت و ثقبتها بالفرشطة
دهنيها بصلصة الطماطم
عمريها بمقادير الحشوة و حكي عليهم الزعتر من الفوق
ثم الفرماج محكوك
وستفي الفوق فرماج السندويتش
جمعي جوانب العجين الى الداخل
طلقي الدائرة الثانية
غطي الحشوة بالعجين و دخليه في الجوانب
تقبيها بالفرشيطة و خلييها تخمر مرة اخرى
من بعد ما خمرات دهنيها بالبيض و رشي عليها شوية الزنجلان ودخليها الفران طيب وتحمر