شباكية فالفرن صحية و لديدة ويمكن لك توجديهة غي وحدك

1

2

3

شباكية فالفرن:

السلام عليكم ورحمة الله وبركاته
بلا منطول عليكم ، هاد شباكية عملتها هادي شي 5 شهور كل مرة نقول دبا نحطها ، المهم كانت واحد نهار كانقلاب على شباكية فالفرن ونة لقا هاد الوصفة ديال واحد ال2oخت الله يجزيها بخير ، جربتها غي وحدي وصدقت شي حاجة كتر من رائعة ، فعلاً صحية وبنينة ولدقها مكيعرهش أنها طيبة غي في الفرن مشي مقلية ، وكل كلمة كتبتها صاحبة الوصفة عن الوصف ديالها فعلاً صدقت ، المهم أنا نقل لكم صور ديولي لأنا دارت للمراحل وبنسبة الطريقة والمقادير والشرح انقل لكم ديال صاحبة الوصفة ، عيانة ما فيا مايبقى يكتب هههه

أنا نقلت لكم شنو كتبة

 السلام عليكم ورحمة الله تعالى وبركاته
بعد عدة تجارب نجحات أختي الحبيبة باش تصايب للواليد شباكية طايبة فالفران يعني ما مقلياش فالزيت.وجات اكتر من رائعة.
هي كتبغي المقادير بزايد باش تجي هشيشة .

المقادير:

500 غرام دقيق
زلافة متوسطة زنجلان مكلي شويا ومطحون. ( يمكن تعملي حتى اللوز مطحون )
كاس شاي خليط زبدة وزيت.
2 معالق كبار خليط النافع وحبة حلاوة.
2 معالق كبار خل. نصف معلقة صغيرة خميرة معجونة. معلقة صغيرة خرقوم بلدي مطحون .
1 بيضة. 2 خميرة الحلوى.
ماء الزهر للعجين.

الطريقة:

خلطي جميع المقادير وجمعيها بالزهر . خلي العجينة مرخوفة .دلكيها مزيان.من بعد ما ترتاح طلقيها وشبكيها بحال العادة غير خليها غليضة شويا مع الطياب كتجي هي هاديك.
ستفيها فطاوة مدهونة وطيبيها بحال اي حلوة وما تخليهاش تتلون.
مباشرة من الفرن رميها فالعسل قطريها ورشي الزنجلان.
اليوم الاول كتكون مكرملة وفالغد كتصبح هشيشة وغزالة. ولي كلاها كتعجبو وما كيعرفش انها طايبة فالفران.
وانتوما كيف جاتكم.

إلا عجبتكم الوصفة شي دعوة عن ضهر غيب للأخت صاحبة الوصفة ولي ولكم بالمتل
نتمنى تعجبكم
السلام عليكم