شنيك مالح وحلو ساهلين وخفاف بالصور
وصفة الاخت ريم
1
2
3
المقادير:
1/2 كلج طحين
بيضة وابيض اخرى ونحتفض بالاصفر للدهن
ملح
م ك سك
م ك نيدو
م ك خميرة محلولة في كاس ص ماء حتى ترتفع
خمارة
الحليب لجمع العجين
100ج زبدة طرية
الطريقة:
نجمعو كلشي ماعدى الزبدة
وندكوها مزيان ثم نضيفو الزبدة ونحاولو ندخلوها مع العجين
وندلكوها حتى متبقاشي تلسق باليد تطلب شويش دالوقت
ونخليوها ترتاح في بلاستسكة ونعملوها في الثلاجة من 6 ساعات او نعجنوها في الصباح ونخدمو بها في العشية باش تتفاعل المكونات وتتجي النتيجة رائعة
هاهي منين خمرات
وتنزولو منها الهوا بدلكها قليلا وتنعملو منها 2 كورات الاولى نعملوها مالحة والثانية حلوة
ونسرحو الاولى مع الدهن بقليل زبدة دائبة
ونطويوها على شكل مسمنة وكدلك بالنسبة للكورة الثانية ونخليوهم يرتاحو
ونطلقوها بالمدلك مع رش المكان بقليل طحين وندهنوها بصوص الطماطم ثم الحشوة انا عملت الطن ثم الزيتون اسود مقطع رقيق ورشو الفرماج محكوك
حشوة الطن: في مقلات على النار نضع م ك زيت ونضيف لو بصلة مشلدة +قليل ملح ونخليوها تشحر حى تنزل مزيان ونضيفو لها ابزار+قليل كمون+قليل حمرة +الحار اختياري ونخليهم يتشحرو مع بعض ونطفيو النار ونضيفو المعدنوس رقيق والطن دمطيشة
ونلويو ونقطعو مباسرة بطريقتي المعهودة بواسطة الخيط
ونفس الطريقة بالنسبة للحلو
نسرحو الرغيفة ودهنوها بلكريم باتيسيير وعملو جميع انواع المكسرات انا عملت لوز -كرعاع -زبيب -تمر -شريحة -فواكه معسلة – شكلاط مقطع الطراف صغير او شكلاط كوكيز
ونلفو ونقطعو ونعملوهم في لاطة
ونخليوهم يخمرو في مكان دافئ وندهنوهم باصفر البيض نع قليل حليب
الحلو يرش باللوز رقائق
والماح لما يطها 3/4 الطهي يرش عليه الفرماج محكوك
وهاهما منين طابو
المالح
والحلو
لعملنا لو رقائق اللوز ترشوه بالسكر كلاصي وليخليناه عادي تندهنوه بالمربى سائل ومصفى
وبالهنا والشفا