كراتان بالبطاطا و الكفتة
الكراتان بالبطاطا و الكفتة ساهل ماهل
1
2
3
كنحتاجو البطاطا لي كنكون صلقنها و معسناها بالفورشيط
كنضيفو ليها الملح و الابزار و المعدنوس والبيض على حسب و الفروماج محكوك
كنخلط المقادير كلها مزيان حتى تندامج
في مقلاة كنشحر البصلة مع الثوم في الزيت ثم كنزيد عليها الكفتة و العطرية الملح و الابزار و الكمون و الفلفل الاحمر
ثم كنزيد مطيشة مقطعة و كنخليوها حتى كالدوب و تنشف من الماء
في الاخير كنضيفو ليها المعدنوس و كنطفيو عليها
كناخدو مول كندهنوه بالزبدة
كنقسمو البطاطا على 2 النصف الاول كندروه في المول ثم كندرو الكفتة كلها كنرشوها بالفروماج ثم كنغطيوها بالنصف الثاني دالبطاطا
كناخدو من بعد 2 بيضات كنطربهوم و كنزيد عليهم الفروماج و كنخويوهم على الوجه و كندخلوها الفرن