بطاطا معمرة بالكفتة لذيذة بالخطوات المصورة
1
2
3
وصفة الأخت ام اسامة وايمان جزاها الله خيرا
مقادير بطاطا معمرة بالكفتة
2 حبات قرعة خضرا مقطعة رقيقة
1 بصلة مقطعة رقيقة
توابل : نص م ص سكنجبير
+ نص م ص ابزار
1 م ص كمون + ملح + م ص تحميرة
ملعقة كبيرة المعدنوس والقزبور مقطعين رقاق
زيت بلدية ورومية
300 غ كفتة أو حسب المتوفر
3 حبات بطاطا كبار مسلوقين و مطحونين في طحانة اليدوية
طريقة تحضير بطاطا معمرة بالكفتة بالصور
كنطحنو البطاطا ونضيفو ليها الملح ومعلقة من الكامون ونخلطوها مزيان
ونحتافضو بيها على جنب
نعملو البصلة مع شوية الزيت على النار حتى تدبل
ثم نضيف القرع والملح ونغطيهم باش تطيب القرعة ثم نضيف الكفتة ونفرتتها ونضيف التوابل والربيع ملي تطيب الكفتة وتنساجم العناصر نخلي الحشوة تبرد ونصفيها من الزيت
في الوقت لي كتطيب فيه الكفتة نبسطو البطاطا باش نربحو الوقت كنعمرها ونغلقها ونعطيها شكل بطاطا
ندوزها بالدقيق والبيض والشابلور
نقليهم في زيت ساخن جدااااااا ضروري الزيت يكون سخوووون مزياااان باش ميتفتحوش ومانعملش بزاف يتقلاو في نفس الوقت باش ما يبردوش الزيت
قدمتها مع سلطة الخس المكونة من خس+ خس+ حبة طماطم + دوائر بصل رقيقة + درة + طون + سوريمي + ملح + صلصة مكونة من مايونيز وكيتشوب