من مطبخ اسماء فوود/
1
2
3
المكونات والخطوات
في مقلاة نشحرو أربع حبات من البورو مقطعين قطع صغيرة مع شوية الزيت بلدية و رومية، مليحة، إبزار، نحكو عليهم واحد الضامة ديال البكري.
لما يتشحر البورو نضيفو عليه رابعة من الخيزو محكوك في الحكاكة الغليظة، غير يطيب شوية، نضيفو القرعة خضرا طويلة محكوكة.
منطيبوش الخضرا بزاف، من بعد تنضيفو زوج ملاعق كبار من صوص الصوجا، ونطفيو على الخضرا. من بعد ما تبرد نضيفو عليها ملعقة كبيرة المعدنوس مقطع.
ناخذ ورقة البسطيلة نقسموها على 4 ،نعمرو بملعقة من الحشوة، طريف من الفرماج سندويش، و نجمعو على شكل سيكار.
تندوزوهم في خليط البيض و الشابلور (4 بيضات، شوية الثومة غبرة، شوية الملح، شوية الإبزار) نستفوهم في لاطة مفرشة بالبلاستيك، نغطيوهم مزيان، وندخلوهم المجمد تقريبا نصف ساعة، من بعد تنقليوهم في زيت سخونة.
بالنسبة للخضر المرافقة، تنسلق الخضر نصف سلقة، تنسقطرها مزيان من الماء، و تندخلها الفرن تشوى من بعد ما نشرملها بشوية الزويتة بلدية، ملح، إبزار، زعتر مطحون.
كذلك الفلافل تنقطعهم على شكل طولي، حتى هما تندخلهم الفرن
طريقة التحضير :