بحلاوة شكل جديد
غادي نقدم ليكم حلوة بحلاوة بالكاوكاو واللي بغات تحشيها باللوز اة بيستاج او اي حشو مفضل عندك
مقادير العجين
4 زلايق دقيق يعني حوالي كيلو تقريبا
كاس سكر كلاصي
كاس مازهر
رابعة زبدة ماركرين
ماء دافي باش تعجني
1
2
3
نجمعوها نخليوها شوية قاصحة وندلكوها مزيان وديريها في بلاستيكة وخليها ترتاح على ما توجدي الحشو
من بعد ناخد تلت العجين ونضيف ليه الكاكاو وندلكها مزيان باش يدخل فيه مزيااااان
كيلو كاوكاو محمر ومقشر ومطحون انا مكنطحنوش حتى يتنيل كنخليه يتقرمش شوية
كاس ونص سكر كلاصي
نص كاس ما زهر
والعسل باش تجمعي الخليط و خليه شوية ناشف
العجينة اللي نسرحوها لتحت تكون بيضة او لي بغا يدير فيها الكاكاو يديرها ليكم الاختيار ونس
وندهن بابيض البيض مزيااااااااااان
نسرح العجينة بالمدلك ونخرجها من الجهة ديال سباكيتيى
وكنبدا نحط الخيوط انا كندير اربعة بيضين واربعة كحلين كيجي شكلها زوين
بيني وبينكم كتشد اليد ولكن منين كطيب كتعجبني النتيجة وكتمشي تمارة كلها
رح فوقها الحشو بشكل متساوي
هنا مني كملت تستاف الخيوط
ناخد العجينة البيضا والكحلة ونسرحها ونقطعها وريدات صغار بحيت تكون وحدة اصغر من وحدة
نقطعها الى مربعات او معينات لكم الاختيار وفي القنت ديال كل مربع ندير نقيطة ديال الما ونحط فوقها وردة صغيرة
وندخلها للفران حتى طيب انا مكنخليهاش تتحمر من الفوق ونكب عليها العسل ونخليها تشرب مزياااااااان