أثارت الفنانة بسمة بوسيل، طليقة الفنان تامر حسني، الجدل برسالة غامضة عن فرح هالة عمر منسقة أعمال تامر حسني.
وعبر ستوري صفحتها الشخصية على موقع انستجرام نشرت فيديو من الفرح وعلقت قائلة: «حسبي الله ونعمة الوكيل فيكي يا هالة».
وخرجت بسمة بوسيل عن صمتها، وأوضحت أن مديرة أعمال زوجها الفنان تامر حسني سبب رئيسي في انفصالهما، إذ كتبت عبر استوري آخر على موقع تبادل الصور والفيديوهات انستجرام: كانت سببا في خراب البيت.. احترام العشرة بيبتدي باحترام مشاعر غيرك.. بالذات لو حد كان سبب رئيسي في خراب بيتك وهدم حياة ولادك.
واعتبر البعض أن بسمة بوسيل تشير بشكل واضح إلى أن هالة عمر السبب في طلاقها من الفنان تامر حسني.
وبعدما تصدرت مواقع التواصل الاجتماعي بهجومها على هالة عمر، مديرة أعمال تامر حسني بعد ظهوره في حفل زفافها، شاركت بسمة بوسيل، صورة جديدة، حملت رسالة أخرى غير مباشرة أثارت الجدل بين المتابعين.
وكتبت بسمة بوسيل عبر حسابها الرسمي بموقع إنستجرام، قائلة: «ويخشى الله عليك من سوء اختيارك، فينتشلهم من حياتك، فتيأس لسوء ظنك انه ابتلاك لتعلم بعدها أنه نجاك».
بينما تحدث الفنان تامر حسني عن فرح منسقة أعماله هالة عمر قائلًا :«لكل اللي بيسأل عن إيه وجهة القرابة بيني وبين العروسة الجميلة دي شايف أسئلة كتير.. أنا هحكيلكوا هي اسمها هالة عمر عرفتها كانت بنت من الفانز صغيرة ومن المقاتلين والمدافعين عن تامر على الإنترنت، ومن كتر دفاعها عني لفتت نظري، ومرة رديت عليها شكرتها، ولما سافرت إسكندرية في الوقت ده لقيت بنت صغيره أوي بتعيط وبتجري عليا فوقفتلها وفكرتني بنفسها وفضلت تعيط وتقولي إحنا معاك ولازم تكمل عشان كنت بتحارب جدًا في بداياتي».
وتابع تامر: «فاتصدمت إن اللي بتقول كده بنت صغيرة كده، والمجهود ده كله اللي عاملاه بنت صغيره عندها 14 سنة، وقتها كانت السوشيال ميديا لسه بتطلع وكنا في شركتنا بندور على شركة كبيرة تمسكلي السوشيال ميديا لحد ما قولتلهم أنا مش عايز شركة كبيرة، أنا عايز البنت الصغيرة دي هي اللي تمسكها، فضلوا يقنعوني إن كده مش صح ولازم أكتر حد خبرة يمسكها، وأنا قولت لأ لازم أكتر حد بيحبني هو اللي يمسكها وأنا واثق إن طاقة الحب مفعولها أقوى من طاقة المحترف بلا حب، فعرضت عليها تشتغل معايا وهي في السن ده.. مصدقتش طبعًا».
1
2
3