شارك الفنان خالد سليم، جمهوره ومتابعي حسابه الرسمي على موقع إنستغرام، صورة وفيديوهات من حفل تخرج “نور” والتي قال عنها “بنتي الكبيرة”، دون أن يوضح هل يقول الأمر مجازا، خاصة وأن الجمهور يعلم أن خالد لديه فقط ابنتان هما خديجة وكنزي.
1
2
3
وعلق خالد: “النهاردة.. كان يوم مميز جدا ليا.. إختلطت مشاعري بشكل غريب.. بشكل عمره ما حصلي في حياتي كلها.. رغم إني ممكن في ألبوم واحد أغني أكتر من حالة ومشاعري تكون مختلفة مع كل لحن.. أو إني أدخل في فيلم أو مسلسل والشخصية يكون فيها إختلاف في المشاعر في كل مرحلة.. بس الحقيقة النهاردة أنا عيشت 4 ساعات مليانين سعادة وخوف وفخر ودموع ومحبة وشجن.. حفلة تخرج بنتي الكبيرة نور”.
وتابع “كنت سعيد إنها وصلت للمرحلة دي بكل نجاح.. وكنت خايف عليها طول ما أنا شايفها بتتحرك قدامي.. وفخور بيها وبمحبة الكل ليها وشخصيتها الحلوة.. ودموعي والمحبة والشجن كانوا بسبب الحالة اللي كل الطلبة والمدرسين والعاملين في المدرسة كانوا فيها .. إن الدفعة دي هيمشوا ويسيبوا المدرسة ويبدأوا مرحلة جديدة ..ألف مبروك يا نور على النجاح والتفوق والتخرج.. واعرفي إني دايماً فخور بيكي.. يا حب عمري”.