عصير بناشي بالخضر
عصير بناشي بالخضر
1
2
3
السلام عليكم البنات الحادكات عندي ليكم واحد العصير غزال انا متاكدة بالي غادي يعجبكم كايجي بحال عصيري ديال الخوخ تحلفي عليه بالي هو بلا ما نطول عليكم هاهي المقادير
2 حبات بطاطا متوسطين .
3 حبات خيزو .
لتر ونصف لبن .
2 فاني.
سكر حسب الذوق.
دانون ديال الخوخ.
الطريقة
نقطعوا البطاطا وخيزو مكعبات نسلقوهم من بعد نصفيوهم انخليوهم حتى يبردوا فمولينكس نوضعوا جميع المقادير انزيدو البطاطا وخيزو ثم نطحن كلشي مزيان انديروهوم فقرعة ديال الجاج نخليوهم فالثلاجة لمدة ساعتين اقدميه بالصحة و الراحة اوا ماتنساونيش بالدعوات