سلطة برستيج راقية ولذيذة

1

2

3

المقادير

نغسلوا الخس فريزي ويقطر ونستفوه في الجوانب ديال طبسيل

لتر من عصير الليمون

باكية من إبلي أي القمح ـ

200غ زبيب أسود مرقد في كاس ليمون دافئ

200غ كركاع مهرمش ـ

2 ياغورت مسوس

2 تفاحات خضرين مقطعين مربعات

2 تفاحات حمرين مقطعين مربعات

2 م ك عسل

الطريقة

نسلقوا القمح في عصير الليمون + ملح + إبزار ونخلطوه مع كل هذه العناصر وتترك تبرد ثم نحطوها وسط طبسيل للي ستفنا فيه الخس ثم نقطعوا أفوكا شرائح ونعصروا عليها الحامض ونوفوها على جناب القمح

ثم ناخذوا قلب القوق مصلوق ومعمر ب : بصلة مشلظة رقيقة نشحروها في شوي زبدة ، ملح وإبزار حتى تولي ذهبية + حك الذرة + 2 م ك عصير الحامض ونخلطوا مزيان ونعمروا القوق ونرشوا عليهم فرماج بارمزان وأحمر وندخلوهم الفرن غير يتحمر الوجه ونستفوهم في جناب الطبسيل

ناخذوا لونديف نقطعوه ونلوحوه فوق الخس ، ومابين كل قوقة ناخذوا شريحة من داند مدخن تلوى بحال البلغة ونشدها بعود سنان ونعمرو بجبلي المنسم بالأعشاب مخلط مع شوي كورنيشو مقطع رقيق + م ص صوص صوجا

الصوص :

ناخذو عصير الليمون للي رقدنا فيه الزبيب يصفى ونزيدوا عليه م ص النشا + ملح + إبزار نخلطوا مزيان فوق النار ناخذوا 10ستلر قشدة طرية خاصة بالطهي نطربوها شوي ثم نضيفوها على الخليط نزيدو شوي الخل ، ملح وإبزار ثم نعملوا طبقة رقيقة فوق القمح ونرشوا شوي رقائق اللوز من فوق محمرينونصبوا شوي فوق القوق وما تبقى نعملوه في زلافة ويقدم مع السلطة