على مدار الأيام الماضية، تصدر الفنان باسم سمرة مؤشرات بحث جوجل ومختلف تريندات السوشيال ميديا، بعد ظهوره في فيديو وهو يتبرع بمبلغ مالي للهلال الأحمر، لدعم فلسطين، من داخل لوكيشن فيلمه الجديد كتف قانوني، الذي يصوره مع المخرج سامح عبدالعزيز.
وظهر باسم سمرة في فيديو نشرته الفنانة هالة صدقي، عبر حسابها الشخصي بموقع “إنستغرام” قالت خلاله: “طبعا كلنا مش هنوصف إننا زعلانين أو متضايقين قد إيه على اللي بيحصل لأخواتنا في فلسطين، لكن ده مش معناه إننا نتوقف عن الشغل، بالعكس هنشتغل ونشتغل ونجيب فلوس ونتبرع وكلنا نتبرع ولسه هنعمل أفلام وهنتبرع لأن مهنتنا مهمة شريفة ومحترمة”.
ومازح باسم سمرة باقي الفنانين في الفيديو قائلا: “اللي مش هيتبرع هظبطه”، قبل أن يظهر في الفيديو وهو يخرج ألف جنيه للتبرع بها.كما علقت هالة صدقي على الفيديو الذي نشرته قائلة: يا ريت في حاجة بأيدينا نقدر نعملها لأهلنا في فلسطين، وأتمنى من كل زملائي في كل الاستوديوهات والمسارح وكل أهلنا التبرع لأهل فلسطين، اشتغل وانقذ اقتصاد بلدك واشتغل وتبرع وساعد أهلنا في فلسطين.
وعلقت إحدى رواد السوشيال ميديا:“هو إيه اللي بيعمله باسم سمرة ده هو بينقط في فرح”، وقالت أخرى: أنا دمي محروق من الألف جنيه بتاعت باسم سمرة، يعني الهوليلة دي كلها وفي الآخر ألف جنيه.وأعربت أخرى عن رأيها بـ: “أنا شايفة إن باسم سمرة لبى نداء للتبرع.. اية المشكلة.. مع تمنياتى لأي قادر إن يبذل ما يستطيع”.
وقالت أخرى: عبثية فيديوهات باسم سمرة اللى بتنتشر كل فترة تعبيرا عن تضامنه مع القضية بتخلى الواحد يدعي إنه يكون بيمثل وهدفه يطلع تريند مش إن دي تصرفاته بجد.
1
2
3