عبر طارق السكتيوي مدرب المنتخب الوطني المغربي الأولي على الفرحة ديالو بالتتويج بالميدالية البرونزية فأولمبياد باريس2024، وأهدى الميدالية للملك محمد السادس والمغاربة.
وبعد فوز المغرب على مصر بنتيجة 6 لزيرو فماتش الترتيب على الميدالية البرونزية، قال طارق السكتيوي فتصريح له: “هاد الرجال خدمو بواحد القلب واليوم كملنا شهر، وكانت يوميا صعوبات ومجهودات من الجميع لا من الجامعة الملكية المغربية لكرة القدم برئاسة فوزي لقجع ولا من اللاعبين والطاقم التقني والطبي والمكلف بالأمتعة وجميع مكونات المنتخب دارت عمل كبير وبروح فيها بزاف من الحب للوطن وبزاف من المسؤولية باش نكونو عند حسن الظن وباش نرقاو بالكورة المغربية ونخليوها فالمسار التصاعدي ديالها”.
وكمل طارق السكتيوي: “الأمور ما كانش ساهلة باش تربح الأرجنتين ووقعت واحد الكبوة فماتش أوكرانيا وعرفنا كيفاش نتعاملو معها وبينا أننا مجموعة كتعرف تتعامل حتى مع الخسارة وتحولها لقوة وبرهنا على هذا الشي فجوج ماتشات ضد العراق وضد ميريكان، وماتش إسبانيا مشى أنا بتفاصل وبلال الخنوس خلى لينا بلاصتو بسبب الغياب إضاعة للاعبين اللي ما قدروش يجيو ولكن خدمنا بلي عندنا وتوفقنا فماتش مصر وبيننا أننا قادرين من ورا اي كبوة نوضو وهاد الميدالية هي ميدالية تاريخيّة وكانهديها للملك محمد السادس والمغاربة”.
1
2
3