تحضير بيتزا بطون او الكفتة بعجينة عشر دقائق
1
2
3
مقادير العجينة
العجينة عباره عن مجموعتين من المكونات, نجهز اول مجموعة ونتركها تخمر حوالى عشر دقائق او حتى تظهر الفقاعات بالعجينة وترتفع فى الاناء.
2 كيسان دقيق
2 معالق كبار بودرة نيدو
2 معالق كبار خميرة ديال الدار
2 معالق سكر سنيدة
2 كيسان من الماء دافئ
مقادير المجموعة التانية
3 كيسان دقيق
نصف كاس زيت البلدية
شوية ملح
الطريقة :
نضع مقادير المجموعة الأولى فى وعاء
ونخلطهم مزيان غادي يكون عندنا عجين فحال عجينة ديال البغرير
المطلوب انها تتضاعف مزيان وتخمر وتولي عامرة فقاعات
منين تخمر مقادير المجموعة الاولى غادي نزيد عليهامقادير المجموعة الثانية ونبدأ بالدقيق في دقة وحدة ونبداو نعجنو بإدينا أو بالعجانة منبعد نضيف الزيت والملح ونستمرو في العجن حتى ترخف وتولي رطبة إلى جاتكم قاصحة رشو بالحليب وعجنو العجين كيف موالفين منبعد قسموها على 3 ولا 4 او سرحوها بالمدلك على شكل دوائر خاص يكون سمك ديالها رقيق شوية او نتقبوهم بالعود ديال شوة ولا عود الاسنان منبعد نخليوهم حتى يخمرو مزيان او نطيبوهم في الفرن نصف طيبة انا شعلت الفوق والتحت حتى شدت العجينة راسها وانا نخرجها وهاهي عجينة بيتزا جاهزة
البتزا ديال الطون : عملت لاصوص مطيشة موتزاريلا الطون الزيتون الكاشير والفرماج موتزاريلا
البيتزا ديال الكفتة : عملت لاصوص مطيشة موتزاريلا الكفتة مشحرة مع بصلة الزيتون الفلفلة مقطعة دوائر رقيقة والفرماج موتزاريلا
او دخلتهم الفرن 5 دقائق شعلت غير الفوق يذوب الفرماج