شباكية هشيشة
السلام عليكم ورحمة الله تعالى وبركاته
1
2
3
حبيباتي اليوم جبت لكم طريقة راااااااااائعة ديال الشباكية هد المقادير عطاتهم لنا وحدة السيدة الاب ديالها حلاوي في مراكش كيصاوب الشباكية
نخليكم مع المقادير والططريقة
هد المقادير تيعطيو 3كيلو ونصف راها كتخرج ماشاء الله
كاس لي عبرت به عادي ديال اتاي مايعادل 200 مللتر
2 كيسان ماء /مايعادل 400 مللتر
نصف كاس ماء زهر/مايعادل 100 مللتر
2 كيسان ونصف زيت / مايعادل 400 مللتر
كاس زنجلان محمر ومطحون
2 معالق كبار نافع مطحون
2 معالق كبار قرفة مطحونة
نصف معلقة صغير خميرة الخبز
ملعقة صغيرة ملح
قرعة صغيرة روح الزهر
دقيق حسب الخليط
شوية الزعفران شعرة مذوب في شوية الماء
شوية الزنجلان للتزيين
العسل
الطريقة
نخلط الكلشي المقادير مزيان
ثم نضيف الدقيق و نبقى نجمعها به و نقصحها لانو كلما قصحناها تتجي زوينة وهشيشششششششششة
نكورها كويرات ونخليها ترتاح ونبدا نورقها
ثم نقطع مربعات ثم شرائط من الوسط
ناخد طرف و نخلي طرف ثم ناخد الاطراف لي في جناب نقبطهم مع بعض ونقلبها
ثم نقرص الجوااانب باش متفتحش لينا
نسخن زيت مزيااان ثم نوضع الشباكية تقلى
ثم نطفيها في العسل وهي سخونة ونخليها تشرب مزيان شي 5 دقائق
ثم نحطها تقطر شوية ماشي بزاف
ثم تزين بالزنجلان انا صراحة تنخلي حتى نحطها في البوااطة عاد تنرش عليها الزنجلان
بالنسبة لطريقة الاحتفاظ في بواطة كتغلق مزياان وتوضع في الثلاجة راه تبقى حتى العام والله على مااقول شهيد هده طريقة ماما دائما باش تحافظ عليها