تجربتي للشباكية
المقادير:
1كغ الدقيق
كاس لوز مصلوق و مقشر و مطحون
كاس زنجلان محمر و مطحون
كاس زبدة مذوبة
كاس مخلط زيت بلدية و رومية
ربع كاس الخل
نص كاس ماء الزهر
بيضة
2خمارات حمر
راس معلقة صغيرة خميرة الخبز
راس معلقة كبيرة مسكة حرة
الزعفران شعرة مذوب فكاس ما دافي
شوية الملون الغذائي(إختياري)
قبصة ملح
1
2
3
الطريقة:
ناخذ الطحين و اللوز والزنجلان هما لولين نحلطهم مع بعضهم
نزيد عليهم الزبدة و الزيوت و نبسبسهم مزيآآآآآآآن
نبدا نزيد باقي المقادير و ندلكها مزيآآآآآآآن و السر باش تجي هشيشة خص العجينة تكون قاصحة
حتى نجمعوها مزيان نحليوها ترتاح واحد 15 دقيقة
نبدا نطلقها شوية بالدلاك و ندوزها فالمكينة و نقطعها و نبدا نشبك
مي نسالي لعجينة نخلليها ترتاح واحد نص ساعة نكونو حنا وجدنا الزيت و العسل والزنجلان و نبداو نقليو و نطفيو فالعسل و هي سخوووووووونة باش تشرب العسل