مربعات النوكا les carré nuga
سلام وعليكم هاد الحلوة كتجي راقية فالمنضر والمداق كنتمنى تعجبكوم ،سمحو ليا ماصورتش المراحل
بنسبة المقادير
عجينة سكر كتكون من
375g دقيق نوع ممتاز
200g سكر gلاصي
200g زبدة
بيضة
طريقة:
كنخدمو دقيق وزبدة بالاصابع تم نضيف سكر و نجمعو بلبيضة
ندخلها تلاجة ترتاح من بعد نطلقها بلمدلك رقيقة سمك بحال إلى كنخدمو سابلي تم نتقبوها بلفورشيت وندخلها للفرن طيب نصف طيبة على درجة حرارة 180 مدة 10 حتال 15 دقيقة على حساب لفران
مالي تخرج نوجدو نوجا
مقادير نوجا :
90G كليكوز
150G سكر سنيدة
80 ML قشدة طرية
90G زبدة
175G لوز إفيلي
كنديرو كليكوز فوق نار مع زبدة تم نضيف سنيدةو في لاخير كنديفو قشدة طرية وحنا كنحركو وفي لاخير لوز إفيلي ونسب لخليط فوق العجين بسرعة ونطلقوه بشي سباتيل علا موس نسرحوه مزيان ونرجعهى للفرن تكمل طياب وتحمر مالي نخرجها نقطعها مربعات وبصحة وراحة
1
2
3