مسيمنات مورقين لدااااد
مساء الخيرات على جميع الاخوات وجمعة مباركة عليكن أسأل مالك الملك الذي يهب ملكه لمن يشاءأن يجعلكم من ملوك الجنة وأن ييسر لكم من الأعمال
ما يقربكم فيهـــــــا إلى العليين وأن يصب عليكم من نفحات الإيمان وعافية الأبدان ورضا الرحمن وبركات الإحسان
يا رب يا كريم يا منان
1
2
3
بسم الله وعلى بركة الله موضوع اليوم ان شاء الله غنعطيكم مسيمنات تيجيو مورقين ولداد مقادير فالمتناول ومتيطلبووش وقت كبير ان شاء الله تجربوهم وينالوا رضاكم
مقادير الحشوة 2 بصلات متوسطين ومشلدين رقاق 2 جزرات منقيين ومحكوكين 2 قرعات خضرين محكوكين رقااق 1فلفل اخضر و1 احمر مقطع رقيق
ملعقة كبيرة من الطماطم المعلبة زيت بلدية والملح الابزار الكمون وشوية الزعتر و2 علب طون معلب مصفي من الزيت
تنشحر البصل فالزيت ونزيد الفلفل بانواعه تم الطماطم المعلبة والتوابل وفلاخير الجزر والقرع الاخضر ملاحضة متنزيدش الماء نهائيا كيف تطيب الحشوة تنخليها تبرد
ونزيد الطون المعلب والزعتر ونخلط الكل ونحتافظ بيه على جنب
مقادير العجين 500 غ دقيق ابيض معلقة الزبدة كبيرة معلقة صغيرة من الخميرة الكيماوية الخاصة بالحلويات ملح ومعلقة كبيرة خل وماء دافىء لجمع العجين
تنعجن العجين وندلكوا مزيان ونخليه شوية مرخوف ندهن يدي بالزيت ونجمع العجين ونخليه يرتاح نصف ساعة
من بعد نعمل كويرات صغار ونخليهم يرتاحوا
نوجد الزبدة مدوبة ونورق الكويرات مزيان ونجمعهم مربعات بالطريقة التقليدية لي تنعملوا للمسمن ونخليهم يرتاحوا لبعض الوقت
من بعد ناخد المربعات ونعمل الحشوة الصور توضح
الشكل الثاني
ندهنهم باصفر البيض مخلط مع شوية التحميرة ونرش الشكل التاني بشوية الحبة السوداء نسخن الفرن وندخلهم يطيبوا على عافية مهيلة تيجيو فنين ومورقين ولدتهم غزالة
بالصحة والعافية