الغريبة البهلة بطريقتي
مساء الخيرات حبيباتي وعواشركم مباركة الله يدخلها عليكم بالصحة والعافية وطول العمر وصفة اليوم هي الغريبة البهلة الغنية عن التعريف مقادير مضبوطة وطريقة ساهلة والنتيجة مفرحة والمداق لديد متشبعوش منها الله بسم الله وعلى بركة الله غنحتاجوا ل 500غ دقيق ابيض ممتاز 180 غ سكر ابيض خشن سنيدة 150غ زبدة العبار كاس الزيت 2 خمارات 50 غ لوز محمر بقشرتوا ومهرمش و50 غ زبيب مطحون او مقطع صغير وكاس السمسم زنجلان محمر
1
2
3
تنخلط كل من الزيدة والسكر الابيض مزياان
تنضيف الكاس الزيت ونعاود نخلط الكل مزيان
تم الزنجلان الزبيب واللوز
نزيد تدريجيا الدقيق الابيض هو والخمارات
نخدمها مزيان بيدي او بالعجانة مدة 10 دقايق
نغطيها ببلاستيك غدائي ونخليها ترتاح ساعتين او اكتر انا هنا خليتها غي ساعتين
من بعد مادازت الساعتين كورتها كويرات صغار وحطيتهم فلاطة الخاصة بالفرن وتكون مدهونة بشوية الزيت
سخنت الفرن مزيان من الفوق والتحت ودخلت الغريبة للفرن طيب من الجيهة الفوقانية حت تشققات عاد كملتها فالطياب من الجيهة التحتانية والبعض منها زينتها بالسكر كلاصي