خبز رائع للشهر الفضيل
حبيباتي هد الخبز تيجي هائل للفطور وخفيف تشهاي تاكليه غي بوحدوا نخليكم مع المقادير نصف كيلو فورص
اوسميدة رقيقة على حسب الرغبة انا عملت هنا غي الفورص
شوية الملح 2 معالق كبار سنيدة
6معالق كبار زيت 2 معالق كبار حليب غبرة
معلقة كبيرة خميرة الخبز 2 خمارات الحلوة والماء الكافي للخليط
1
2
3
تنعمل الطحين والملح وسنيدة والخميرة والخمارات والزيت نخلطهم مزيان
نزيد الماء تديريجيا ونخلي الخليط شوية خفيف وتيتلصق فاليدين
نعرك العجين مزيان ونغطيه ونخليه يخمر حت يتضاعف الحجم ديالو
هاهو ملي خمر
قسمتوا على 4 خبيزات
سرحتهم مزيان
شرطتوا مربعات وخليتوا يخمر للمرة التانية
ملي خمر وجدت اصفر بيضة مطربة مع شوية الحليب وشوية الحبة السوداء وشوية الزنجلان
دهنتوا مزيان باصفر البيض وزوقتوا بالحبة السوداء والزنجلان
دخلتوا للفرن ساخن من قبل وخليتوا يطيب على عافية متوسطة وها خبيزاتنا وجدوا
هاهو من الداخل
نصيحة الا بغيتوا الخبز يجيكم مشرط مزيان ملي يخمر وتبغيوا دهنوه بالصفر البيض عاودوا التشريطات لي عملتوا باش يجي باااين وملي يطيب
دهنوه بشوية العسل وكدلك تنعمل منو كمية كتيرة ونخليه فالكونجلي غي تنبغيه نجبدوا ونسخنوا وهاهو بحال الا ياله عملتيه بالصحة والعافية