طريقة تحضير طورطية بالبطاطا سهلة و لذيذة
1
2
3
مقادير :
- 2 حبات بطاطس مقطعة مربعات
- بصلة ما بين صغيرة او متوسطة مقطعة رقيقة
- نصف كاس زيت رومية
- مقلة متلصقش
- ملح طبعا وابزار او كمون حسب لي يعجبك اكثر
- 3 بيضات
الطريقة :
حطي البطاطا والبصل والملح والزيت في مقلة غير لاصقة وحركي مرة مرة وحاولي تخلي المقلة مغطات باش يرجع الصهد عليهم وطيب دغيا ..راه ما تاخدش الوقت بزاف ربع ساعة مع التحريك او 20 دقيقة الا كانت الكمية كثيرة
وباش تعرفي طابت دوقيها او دخلي الموس في قطعة ديال البطاطا غدي تعرفي فاش طيب رشيها بابزار او كمون وضربي البيض مع شوية ملحة وخلطي الجميع ورجعي للمقلة وخليها طيب على نار مهيلة على الوجه الاول ثم قلبيها على الوجه التاني ..او ممكن تحركي الخليط بلا ما تاخد شكل طورطية كتجي زوينة حتى هي
ملاحظة : تقدري تزيدي الروز كلاصي مسلوق والزيتون مع البطاطا كتجي زوينة بزاف