السفة المدفونة
مقاديرالسفة او الشعرية المدفونة:
1
2
3
500غ شعرية
500غ الهبرة او دجاجة مقطعة
500غ بصلة
الزعفران الحر والرومى
معدنوس
ملعقة سمن
ابزار +سكينجبير
القرفة عواد
كاس زيت مخلط بلدى ورومى
250غ لوز مصلوق ومقلى.
طريقة اعداد السفة او الشعرية المدفونة:
*دهنى الشعرية بالزيت او ديريها تفور ملى تفور حليها اورشيها بالماء بعدما تشرب دهنيها مرة اخرى ثم فوريها .كررى هده العملية 4 مرات فى كل مرة على حسب نوعية السفة او الشعرية
قطعى اللحم او الدجاج ثم شلضى عليه البصلة والمعدنوس +الملح+الابزار+السمن+القرفة عواد+الزعفران+سكينجبيروالزيت شحرى الكل فوق النار زيدى عليهم كاس ونصف من الماء وخليه يطيب حتى يشرب الماء وطفى عليه ,سخنى الشعرية فى الكسكاس ودهنيها بالزبدة وجيبي طبق التقديم فرشى فيه التفريشة الاولى بعد دلك ضعى الدجاج غطى بالشعرية ثم الدجاج واخيرا غطى بالشعرية وزوقى باللوز والقرفة غبرة كما في الصورة