حلوة السيكار سهلة باللوز بالصور

حلوة السيكار سهلة باللوز بالصور
المقادير :

العجين :
نصف كيلو فورص
كاس مزهر
كاس زبدة دائبة
بيضة
ملعقة سكر

العقدة :
كيلو لوز
نصف كيلو سكر كلاصي
كاس زبدة
كاس مزهر
بكية مسكية حرة
منسم من اختيارك انا تندير منسم الخوخ

الطريقة :
يصلق اللوز او يوضع وسط بلاستيكة مدة 5 دقائق تقريبا ثم تنزعي منو القشرة ديالو او ديريه في شي منديل ناشف او خليل ليلة كاملة مسرح في المنديل

في الغد ملي تشوفي اللوز نشف زيدي عليه السكر كلاصي او خلطيه مزيان مع اللوز او طحنيه مزيان
من بعد الطحين زيدي عليه الزبدة والمزهر المسكة الحرة او خلطي مزيان
من بعد ديري الخليط في بلاستيكة او ديريه في الفريكو يبقى يبات ليلة كاملة

في الغد عاد تجبدي عجينة اللوز او تخليها حتى تتطلق او ضيفي ليها حساب 2معالق كبار ديال المنسم لي ختاريتي قلت ليك قبل انا تنفضل منسم الخوخ

من بعد حطي العجينة اللوز في قنت

من بعد خودي الطحين او زيفي ليه الزبدة او البيض او المزهر او السنيدة او عجني مزيان
يعني بقاي تدلكي مدة 20 دقيقة او اكثر حتى تولي رطبة مزيان بحال ديال المسمن

من بعد فرقي العجين مثلا على 3 او لي طرف بيض او الاطراف الاخرى ضيفي ليها الالوان لي غادا تستعملي

طرف بطرف من بعد مضيفي مثلا اللون الاخضر خاصك ضروري دلكي مزيان حتى ترطاب

من بعد خودي العجين او بداي تقسمي طرف صغار باش تسهال عليك عملية الدلك خليها ترتاح كثر من ساعة
من بعد هاد الطرق الى حتى تولي العجين لعبة في ايديك

بعد معطيتكم سر العجينة و العقدة هادو 2 حلوات باللوز السيڭار و الليمونة من يدي نخليكم مع الصور كتشرح اكثر

ان شاء الله غادا نبدا بحلوة السيكار
ناخد العجين البيضاء او ندلكها على هدا الشكل

وندهنها بقليل من الزبدة

ناخدو العجين البني او ندلكوه بالمدلك او ماكنة الرزيزة او من بعد ندوزو العجين جهة الرزيزة حتى تخرج لينا خطوط بحال لي غنعملو الرزيزة او نحطوها في جنب

ناخدو خيط بخيط او نستفو فوق العجينة البيضاء عل هادا الشكل

من بعد ندربوهم بالدلاك مزيان حتى ينسجمو مزيان على هاد الشكل

من بعد نقلبو العجين جهة البيضاء او ندهنوها بشوية الزبدة او نوضعو العقدة

او نلفو العجين حوالي دورتين او قطعي بالجرارة او بداي تديها او تجيبيها حتى يدخل اللوز مع العجين باش يلصق

من بعد قطعي على شكل سيكار

او بداي تدوزي الجناب اما في بياض البيض مع الجنجلان او اللوز المصلوق و المهرمش

من بعد تخليها تبات يوم او يومن او تطيب في الفران من بعد ما تخرج او يتبرد تدهن بالناباج او العسل