طريقتي العجيبة فتعطير الدار و المضارب و البلاكارات …هناتني من الغمولية و ريحة الخشب
1
2
3
لعيونك لالة جبناليك اليوم أفكار سهلة و في متناول جميع السيدات المغربيات، غادي تمشي عند اقرب عطار و تاخدي هاذ المكونات : الخزامى، الورد، و المسك. هاذ الوصفة كتقضي على الغمولية و الميديتي.
بالنسبة للصالون، غادي تاخدي جوج حفنات خزامى، و جوج حفنات ورد و رشي بيهم تحت لمضارب، استغلي الفرصة و حطي قطع صغيرة ديال المسك فوق الخشب ديال الصالون.
نفس الشئ بالنسبة للبلاكار أوالماريو، باش تقضي على الغمولة و تبقى ريحة زوينة فحوايجك غادي تاخدي جورب و تعمريها بشوية ديال اللواط زائد شوية شوية من كل حاجة ذكرناها فالأول وسديه مزيااااان و فركي بين يديك و حطيه فالماريو ، يمكنلك ديري فكل طبقة جورب كيفما يمكنليك ديري نفس الشيء بالنسبة لباقي الغرف و الحمام.